अर्किड कप फुटबल प्रतियोगिता जारी

काठमाडौँ, २ फागुन । काठमाडौँको कागेश्वरी मनोहरास्थित अर्किड स्कुलको मैदानमा विद्यालयस्तरीय फुटबल प्रतियोगिता सुरु भएको छ ।

माघ २९ गते मंगलबारबाट अर्किड पुपिल सेकेण्डरी स्कुलको आयोजनामा ‘अर्किड कप सेभेन ए साइड जुनियर फुटबल टुर्नामेन्ट’ सुरु भएको हो । चौथौं अर्किड कप स्पर्धामा ४० समूहको सहभागीता रहेको आयोजक टिमले जानकारी दिएको छ ।

जुनियर तहका फुटबल खेलाडि विद्यार्थीलाई अगाडि ल्याउन र उनीहरुलाई भविष्यमा आउन सक्ने चुनौतीको सामनाका लागि प्रोत्साहन दिन गरिएको सो स्पर्धाले विद्यालयबिचको सम्बन्ध पनि राम्रो बनाएको प्रिन्सिपल सि.वि कार्कीले बताएका छन् ।

स्पर्धामा प्रथम, द्वितीय, तृतीय र चौथो हुने विद्यालयलाई सिल्ड, मेडल र नगद प्रदान गरिने भएको छ । आयोजकका अनुसार प्रतियोगितामा प्रथम हुने टीमले रु २० हजार, द्धितीय हुने टीमले रु १५ हजार, तृतिय हुने टिमले रु १० हजार र चौथौं हुने टिमले रु ५ हजार नगद पुरस्कार पाउनेछन् ।साथै उत्कृष्ट खेलाडि, फेयर खेलाडि समूह र म्यान अफ द म्याचलाई पनि पुरस्कृत गरिने छ ।

प्रतियोगिता फागुन ११ गते शनिबारसम्म चल्ने छ ।