अपराधबाट बचाउन एञ्जलमा ‘विद्यालय प्रहरी समन्वय समिति’

काठमाडौं, ८ फागुन । महनगरीय प्रहरी वृत्त नयाँ बानेश्वरका प्रमुख तथा प्रहरी नायव उपरिक्षक गोविन्दराज काफ्लेले विद्यार्थीहरुलाई अपराध गर्नबाट बचाउन उनीहरुलाई शिक्षा दिनु आवश्यक रहेको बताएका छन् ।

कोटेश्वर हिमालीमार्गस्थित एञ्जल लर्ड एकेडेमी हाइस्कुलमा मंगलबार भएको विद्यालय प्रहरी—समन्वय समिति गठन कार्यक्रममा उनले पछिल्लो समयमा साथीभाईको लहैलहैमा र अञ्जानमै पनि किशोर किशोरीहरु साइबर क्राइम र लागुपदार्थको दुव्र्यसनमा फसेकोे औंल्याउँदै भने, ‘ आवश्यक कुनै पनि नयाँ कुरा सिक्नु भनेको उसको परिवार र समाजले सिक्नु हो ।’

विद्यार्थीले यो समितिमा रहेर साइबर क्राइम, लागुपदार्थको दुव्र्यसन, सडक दुर्घटनालगायतका अपराध गर्नबाट जोगिने र सडक दुर्घटनाबाट बच्ने उपाय सिक्ने उनले जानकारी दिएका थिए ।

९ सदस्यीय समितिको संयोजकमा विद्यालयका प्रिन्सिपल टंक लिम्बु छन् भने सदस्य सचिवमा सामुदायिक प्रहरी सेवा कोटेश्वरका इन्चार्ज एव्म प्रहरी सहायक निरीक्षक राजेन्द्र सिंह पुजारा रहेका छन ।

समुदाय–प्रहरी साझेदारी कार्यक्रमबाट सदस्यहरुमा विद्यालयका खेलकुद शिक्षक टेकेन्द्र चेमजोंग, अभिभावकद्वय रीनाथापा र धर्मराजगौतम तथा विद्यार्थीहरुमा सुशान्त सिंह रावत, दिक्षागौतम, एरिन मगर र अनुकृत चौलागाई छानिएका छन् ।

:433 Views

Leave a Reply