उपत्यकाव्यापी रियल कप फुटबलमा विनायक स्कुल प्रथम

मध्यपुर ठिमी  | भक्तपुर बोडेको सिन्टीटारमा आयोजित 7A Side उपत्यकाव्यापी रियल कप फुटबल प्रतियोगितामा उपत्यकाका ४२ ओटा विद्यालय र क्लवहरूलाई पछाडि पार्दै विनायक फुटवल क्लवले प्रथम स्थान हासिल गर्न सफल भएको छ ।
प्रतियोगितामा विनायक शिक्षा निकेतनका फुटबलर सुवास गोलेले उत्कृष्ट खेलाडी र गोलकिपर अमर बहादुर श्रेष्ठले उत्कृष्ट गोलरक्षकको उपाधिसमेत प्राप्त गरेका थिए ।

नेपाल ताराका अनिश दुलाल भने प्रतियोगिताभर सर्वाधिक गोलकर्ताले पुरस्कृत भए । त्यस्तै १६ वर्षमुनि महिलातर्फ फुटसल एरिनाले छहारी शिक्षा सदनलाई १–० गोलले नै पन्छाएर पहिलो भएको हो । उक्त स्पर्धामा विजेता फुटसल एरिनाकी उपासना लिम्बू उत्कृष्ट खेलाडी घोषित भए । एरिनाकै मनिषा बास्कोटा सर्वाधिक गोलकर्ता बन्दा छहारीकी आशिका श्रेष्ठ उत्कृष्ट गोलरक्षक बनिन् ।

यसैगरी प्रतियोगिताकै १२ वर्षमुनि छात्रतर्फको फाइनलमा सोसियल वेलफेयर सुटर्स क्लवलाई २–० गोलले हराउँदै पहिलो भयो ।
उक्त स्पर्धामा विजेता वेलफेयरका आयुष गुरुङ उत्कृष्ट खेलाडी घोषित भए । एड्भान्स एकेडेमीका रमित खड्का सर्वाधिक गोलकर्ता बने । सुटर्सका श्रीजल गुभान्जू उत्कृष्ट गोल रक्षक बन्न सफल भए ।

प्रतियोगिताका विजेता टीम तथा स्कुल र खेलाडीहरुलाई मध्यपुर थिमी नगरपालिकाका प्रमुख मदनसुन्दर श्रेष्ठले शिल्ड, मेडल र प्रमाणपत्र वितरण गरेका थिए ।प्रतियोगिताअन्तर्गत १६ वर्षमुनि पुरुषमा २०, महिलातर्फ १६ र १२ वर्षमुनि छात्रतर्फ १९ वटा टीम तथा स्कुलहरुको सहभागिता रहेको आयोजक रियल फुटबल क्लवका अध्यक्ष बालगोपाल साहुखलले जानकारी दिए । नेपाली फुटबलका पूर्वराष्ट्रिय खेलाडीसमेत रहेका साहुखलले सानैदेखि फुटबल खेलाडी तयार गर्ने उद्देश्यले प्रतियोगिता गरिएको बताए । प्रतियोगिताको सहआयोजकको रुपमा मध्यपुर थिमी नगरपालिका रहेको थियो भने भक्तपुर जिल्ला फुटबल संघले प्राविधिक सहयोग गरेको रियल फुटबल क्लवले जनाएको छ ।

जिल्लाव्यापि चित्रकलामा विनायक प्रथम
मध्यपुर ठिमी, राजश्री गुरूकुलद्धारा आयोजित जिल्लाव्यापि चित्रकला प्रतियोगितामा विनायक स्कुल प्रथम हुन सफल भएको छ । करिव ३५ ओेटा भन्दा बढी विद्यालयहरूको सहभागीता रहेको उक्त प्रतियोगितामा सबैभन्दा उत्कृष्ट चित्रकला तयार पारी विनायक शिक्षा निकेतनका कक्षा ९ का विद्यार्थी निखिल प्रजापति प्रथम हुन सफल भएका थिए ।

:403 Views

Leave a Reply