युनिकको १२ औँ वार्षिकोत्सव सम्पन्न

भक्तपुर, १२ फागुन । भक्तपुरको लोकन्थलीस्थित युनिक नेपाल एकेडेमीको १२ औँ वार्षिकोत्सव एवं कला प्रदर्शनी सम्पन्न गरेको छ ।

वार्षिकोत्सवको अवसरमा विद्यार्थीले आफुले बनाएका विभिन्न कलात्मक सामग्रीको प्रदर्शनी गरेका थिए । शनिबार भएको कार्यक्रममा मध्यपुर थिमी नगरपालिकाका प्रमुख एवं कार्यक्रमका प्रमुख अतिथी मदनसुन्दर श्रेष्ठले नगरको शैक्षिक योजनाका विषयमा जानकारी दिएका थिए । उनले मध्यपुर नगरपालिकाले देशमै पहिलोपटक सामूदायिक विद्यालयसँगै निजी विद्यालयको कक्षा ८ को परीक्षा शुल्क निशुल्क गर्न लागेको बताए । निजी विद्यालयले दिँदै आएको १० प्रतिशत छात्रवृत्तिमा २०७६ सालदेखि पालिकाले ५ प्रतिशत र विद्यालयले ५ प्रतिशत दिने उनले बताए ।

कार्यक्रममा विद्यालयबाट २०७४ सालमा एस.ई.ई मा उत्कृष्ट हुन सफल छात्रा नमुना भट्राईलाई र ‘स्टुडेन्ट अफ द इयर’ कक्षा १० की छात्रा कृतिका नेवहाङलाई पुरस्कृत गरिएको थियो । विद्यालय व्यवस्थापन समितिका अध्यक्ष समीर शाहको सभापतित्वमा सम्पन्न उक्त कार्यक्रममा विद्यालयका प्रिन्सिपल सुमन बस्नेतले विद्यालयको प्रगति र योजनाहरु अभिभावकलाई जानकारी दिएका थिए ।
कार्यक्रममा भक्तपुर प्याब्सनका अध्यक्ष चन्द्र अधिकारी, मध्यपुर नगर प्याब्सनका अध्यक्ष निलेश आचार्य लगायतले बोलेका थिए ।