विद्यालयको गुणस्तर बृद्धि गर्नु आवश्यक

अधिकांश साथीहरु आफुभन्दा माथिल्लो पद राम्रो हुन्छ भन्दै हालको पदभन्दा माथिल्लो पदमा जाने लहर चलिरहेको छ । तर म सचिव पदमा नै दोहोर्याउन चाहन्छु । वि.स. २०६४ सालबाट २ कार्यकाल भक्तपुर जिल्लाको उपाध्यक्ष भएर काम गर्दा निजी विद्यालयले आर्थिक क्रान्तिका लागि शैक्षिक पर्यटनको विकास गर्नुपर्छ र जिल्लालाई पर्यटकीय क्षेत्र बनाउनुपर्छ भन्ने नाराका साथ काम गरे र त्यस लगतै जिल्ला अध्यक्ष भए । एक कार्यकाल सचिव हुँदा आफ्ना योजना बनाएको हुन्छु । त्यस योजना अनुसारको काम सम्पन्न नभइदिदाँ आफु असन्तुष्ट भई सोहि पदमा रहि पहिलाको भन्दा राम्रो गर्ने सोचमा छु । मानिसहरु अरुलाई हराएपछि आफु जितिन्छ भन्ने सोच्छन् तर म आफुले आफैलाई जिताउनुपर्छ भन्छु । जापानिज शब्द ‘काइजियन’ अर्थात् निरन्तर सुधार, म त्यसमा विश्वास गर्छु । र त्यसै अनुरुप काम गर्नेछु ।

मेरो प्रतिबद्धताः
१. आफुलाई राम्रो बनाउने
२. विद्यालयको गुणस्तर सुधार गर्ने
३. शिक्षाका लागि विदेशिने विद्यार्थीको संख्या घटाउने