हिमालयन ग्लोरीमा परम्परागत सामग्रीको प्रदर्शनी

भक्तपुर । हिमालयन ग्लोरी इङ्गलिश स्कूलमा परम्परागत रुपमा प्रयोग गरिने उपकरण तथा सामानहरुको प्रदर्शनी भएको छ । विद्यार्थीहरुलाई परम्परागत सीप, कौसल, प्रविधि एवं सामानहरुको परिचय गराउने उद्देश्यका साथ विद्यालयको अतिरिक्त क्रियाकलाप समितिको आयोजनामा यो प्रर्दशनी भएको हो । विशेषतः भक्तपुर नगरभित्रका नेवार समुदायले प्रयोग गर्ने परम्परागत सामानहरु प्रदर्शनीमा राखिएको विद्यालयको अतिरिक्त क्रियाकलाप समिति संयोजक पुष्पा प्रजापतिले जानकारी दिनुभयो । प्रयोगमा नल्याइएका सामानहरु विद्यालयमा देख्दा एवं प्रत्यक्ष रुपमा अनुभव गर्दा विद्यार्थीहरुले राम्रो एवं रमाइलो अनुभव गरेका थिए ।