राजस्वि पाठशालामा बृहत स्वास्थ्य शिविर

भक्तपुर, चैत्र १७ राजस्वि पाठशालाको आयोजना तथा नागरिक सामुदायिक अस्पतालको प्रायोजनमा निःशुल्क स्वास्थ्य शिविर सम्पन्न भएको छ । बालरोग विशेषज्ञ डा.मोहन सुवेदी र मेडिकल अफिसर डा. मनीषा कार्कीद्वारा स्थानिय व्यक्ति तथा अभिभावकहरूले आफ्नो स्वास्थ्य जाँच गराएका थिए ।
१०० भन्दा बढि महानुभावहरुले आफ्नो स्वास्थ्य परिक्षण गराएका थ्एि । कार्यक्रमका सहयोगी डाक्टरले आगामी दिनमा पनि यस्ता सहयोग निरन्तर रुपमा दिने तथा अभिभावक माझ पौष्टिक आहार सम्बन्धि कार्यक्रमको आवश्यकता औल्याए ।
प्रस्तावित प्रिन्सिपल कान्ति के.सी.ले राजस्वि पाठशाला भक्तपुरमा स्तरिय विधिको मन्टेश्वरी पूर्व प्राथमिक विद्यालयको आवश्यकता पूर्ति गर्न बनेको बताए । स्थापनाकालबाटै आफ्नो सामाजिक दायित्वबारे अभ्यस्त रहन निःशुल्क स्वास्थ्य शिविर गरी निःशुल्क औषधी वितरण गरेको तथा यस्तो कार्य पाठशालाले निरन्तर गरिरहने उनले बताए । कार्यक्रम सफलपार्न सहयोग गर्ने नागरिक सामुदायिक अस्पताल, सोहि अस्पतालका विशेषज्ञ डाक्टरहरू, नर्स, औषधी वितरक, अभिभावक, स्थानियव्यक्ति, पत्रकार लगायतकाालई धन्यवाद ज्ञापन गरेका थिए ।