आदर्श जनप्रेमीका ५४ जना विद्यार्थी दीक्षित

भक्तपुर । भक्तपुरको कौशलटारस्थित आदर्श जनप्रेमी इंग्लिस सेकेन्डरी स्कुलकोे चौथो दिक्षान्त कार्यक्रममा ५४ जना विद्यार्थीहरु दीक्षित भएका छन् ।
राष्ट्रिय परीक्षा बोर्डका सहसचिव जयन्ती सत्यालको प्रमुख आतिथ्यतामा सम्पन्न उक्त कार्यक्रममा मध्यपुरथिमि प्याब्सन नगरकार्यसमितिका अध्यक्ष तथा आदर्श जनप्रेमी स्कुलका प्राचार्य निलेश आचार्यले विद्यालयको कार्ययोजना प्रस्तुत गरेका थिए । उनले विद्यालयले विद्यार्थीको सुरक्षाको लागि नर्सरीदेखि कक्षा ३ सम्मलाई ह्याप्पी नेस्टको नामाकरण गरी छुट्टै भूकम्प प्रतिरोधात्मक भवनमा पढाई रहेको बताए । उनले अर्को वर्षदेखि न्युजियल्यान्डको थ्रिडिआई कार्यक्रम लन्च गर्ने र आइसिमासको कार्यक्रम लागु गर्ने बताए ।
कार्यक्रममा यसै विद्यालयबाट एसएलसी÷एसईई दिने बुबा सुवास खड्का र छोरा सुभम खड्कालाई पनि सम्मान गरिएको थियो । कार्यक्रममा वर्षको अनुशासित, सफा र नियमित विद्यार्थीलाई सम्मान गरिएको थियो । त्यस्तै हरेक कक्षाका उत्कृष्ट विद्यार्थीहरुलाई ुस्टुडेन्ट अफ द यरु को उपाधि दिइएको थियो ।

:476 Views

Leave a Reply