सुदेशामा स्टुडेन्ट काउन्सिलको निर्वाचन सम्पन्न

ललितपुर । ललितपुरको नख्खुमा अवस्थित सुदेशा स्कुलले स्टुडेन्ट काउन्सिलको निर्वाचन सम्पन्न गरेको छ । करिब १५ दिनको निर्वाचन कार्यक्रमपश्चात उक्त कार्यक्रम सम्पन्न गरेको हो ।

बैशाख १५ गते मतदाता नामावली प्रकाशन, १९ गते उम्मेद्वारी दर्ता, २० गते दाबि विरोध तथा अन्तिम नामावली पछि २१ गते बाट प्रचार प्रसार सुरु गरी २६ गते प्रत्यक कक्षाका क्याप्टेन र सहायक क्याप्टेन निर्वाचित गरिएको थियो । हिजो सम्पन्न स्कुल क्याप्टेन, भाइस क्याप्टेन ४ वटा हाउसका क्याप्टेन भाइस क्याप्टेन, तथा विभिन्न क्लबका पदाधिकारीको निर्वाचन भएको हो । यो वर्षको स्कुल क्याप्टेनमा कक्षा १० कि छात्रा प्रनिता केसीले कुल खसेको मत मध्ये ८०५ मत प्राप्त गरी विजयी भएकी छिन् । त्यस्तै गरी स्कुल भाइस क्याप्टेनमा श्रीजा केसी निर्विरोध भइन् भने अर्का स्कुल भाइस क्याप्टेनमा युबिन राज सापकोटाले खसेको ५४५ मत प्राप्त गरी विजय भएका छन् ।

हाउस क्याप्टेनमा सुमिना थापा, रिबिश्ना घिमिरे, अनिश महतो र रचना खनाल क्रमश कोशी, गण्डकी , कर्णाली तथा महाकाली हाउसबाट विजय भएका छन् । त्यसैगरी मन्दिप कार्की, अलिश थापा, कविन्द्र भण्डारी र प्रनिशा मगराती क्रमश कोशी, गण्डकी, कर्णाली तथा महाकाली हाउस भाइस क्याप्टेनमा विजयी भएका छन् । कुल ४५ वटा पदका लागि भएको निर्वाचनमा कुल ७६ जनाको उम्मेद्वारी परेको थियो । यसपाली कुनै पनि मत बदर नभएको प्रमुख निर्वाचन आयुक्त बिन्दा थापाले जानकारी दिए । यसपाली निर्वाचन कार्यक्रम निकै मर्यादित र भब्य भएको विद्यालयका सहायक प्रधानाध्यापक नारायण सापकोटाले जानकारी दिए ।

विभिन्न संघ संस्थाको प्रवेक्षण रहेको उक्त कार्यक्रममा नेपाल वातावरण पत्रकार मञ्च, शिक्षा दर्पण, एस टेलिभिजन, नुवागी मासिक पत्रिका र अन्य राष्ट्रिय लगायत संचार माध्यमको उपस्थिति रहेको थियो । सुदेशा स्कुलले उत्सबकै रुपमा गर्ने उक्त कार्यक्रम विद्यार्थीलाई लोकतान्त्रिक अभ्यास सिकाउने तथा नेतृत्व विकास गराउने एउटा गतिलो नमुना बनेको छ । विगत १२ बर्षदेखिको यो अभ्यास धेरै विद्यालयलाई मानककै रुपमा रहेको छ । निर्वाचन कार्यक्रम अन्तर्गत बैशाख ३१ गते अन्तिम नतिजा घोषणा, सपथ ग्रहण, प्रमाण—पत्र वितरण, ब्याच वितरण तथा पदस्थापना कार्यक्रम सम्पन्न हुनेछ । स्टुडेन्ट काउन्सिलको क्षमता विकासका लागि प्रत्येक सत्रमा नेतृत्व क्षमता तालिम सम्पन्न हुनेछन् । क्रियाकलाप मुखी शिक्षणमा जोड दिदै आएको सुदेशा स्कुलले हरेक क्रियाकलापलाई सिकाइसँग जोड्दै आएको सरोकारवालाको भनाई रहेको छ ।