चित्रकला प्रतियोगितामा बेलर र नवरत्न बिजयी

 काभ्रे, ३ जेठ । काभ्रे जिल्लास्तरीय चित्रकला प्रतियोगितामा मावि तहबाट बेलर इन्टरनेशनल एकेडेमीका छात्रा सोनाम डोल्मा र प्राविमा नवरत्न इङ्लिश बोडिङ स्कुलका छात्र रोशन तामाङ प्रथम भएका छन् ।

निजी तथा आवासीय विद्यालय अर्गनाइजेशन (प्याब्सन) काभ्रेले आयोजना गरेको सो प्रतियोगितामा माध्यमिक तहबाट प्रगति प्रभात एकेडेमीका अजय लामा दोस्रो र क्षितिज इङ्लिश बोडिङ स्कुलका दिपेश सापकोटा तेस्रो भएका थिए । त्यस्तै प्राथमिक तहबाट चित्रकला प्रतियोगिताको दोस्रोमा बेलर इन्टरनेशनलका सोनी राई र पाँचखाल भ्याली सेकेण्डरी इङ्लिश बोपडङ स्कुलका पवन बुढाथोकी तेस्रो हुन सफल भएक छन् ।

स्पर्धामा प्राथमिक तहबाट ४८ र माध्यमिक तहबाट ५२ विद्यार्थीको सहभागिता थियो ।