गोल्डन सुनगाभामा वक्तृत्वकला प्रतियोगिता सम्पन्न, क्वालिटी स्कुल प्रथम

भक्तपुर । पातञ्जल योग समिति नेपाल, भक्तपुर जिल्ला समितिले भक्तपुर जिल्लाव्यापी अन्तरविद्यालय वक्तृत्वकला प्रतियोगिता सम्पन्न गरेको छ ।

दुवाकोटस्थित गोल्डन सुनगाभा इंग्लिस स्कुलमा आयोजित उक्त प्रतियोगितामा भक्तपुर जिल्लाका १५ वटा विद्यालयहरुको सहभागिता रहेको आयोजकले बताएको छ । विद्यालयमा योग र ध्यानको महत्व र आवश्यकु विषयमा भएको उक्त प्रतियोगितामा क्वालिटी इंग्लिस स्कुलका सुयोग कार्की प्रथम, अमिनटी इंग्लिस स्कुलका जश्मी अधिकारी द्धितीय, गोल्डन सुनगाभा इंग्लिस स्कुलका कसक पौडेल तृतीय र मोर्डन बोर्डिङ इंग्लिस स्कुलका यमुना खड्का सान्त्वना भएका थिए । विजयी विद्यार्थीहरुलाई क्रमशः नगद रु.५०००, ३०००, २०००, १००० प्रदान गरिएको थियो ।

चाँगुनगरपालिकाका मेयर सोम मिश्रको प्रमुख आतिथ्यतामा सम्पन्न उक्त प्रतियोगितामा मेयर मिश्रले विद्यार्थीहरुको योग वक्तृत्वकलाको प्रस्तुतीले आफू प्रभावित भएको र योग ध्यानको महत्व र आवश्यकतालाई हृदयगम गर्दै चाँगुनारायण नगरपालिकाले स्थानीय पाठ्यक्रममा योगको विषयलाई समेट्ने गरी गृहकार्य गरिरहेको बताए ।

पातञ्जल योग समिति, भक्तपुर जिल्ला अध्यक्ष योग प्रसाद आचार्यको सभापतित्वमा सम्पन्न उक्त कार्यक्रममा गोल्डन सुनगाभा स्कुलका प्रिन्सिपल महेश गौतमले आफू र विद्यालय योग समितिसँग जुनै पनि सहकार्य गर्न तयार रहेको बताएका थिए ।
कार्यक्रममा सहभागी सबै विद्यार्थीहरुलाई कार्यक्रमका प्रमुख अतिथी मिश्रले प्रमाण पत्र प्रदान गरेका थिए ।