तेस्रो गोल्ड कप अन्तर्राष्ट्रिय डोरी तान च्याम्पियनसिपको उपविजेता जनप्रेमी स्कुल

काठमाडौं । दक्षिण एसियाली टग अफ वार फेडरेसन र नेपाली डोरी तान संघको आयोजनामा मे ३० र ३१ गते काठमाडौंको टोखास्थित भुटखेलमा तेस्रो गोल्ड कप अन्तर्राष्ट्रिय डोरी तान च्याम्पियनसिप सम्पन्न भएको छ ।

च्याम्पियनसिपमा नेपाल र भारतका ६÷६ टोलीले प्रतिस्पर्धा गरेका थिए । च्याम्पियनसिपमा श्रीलंका, बंगलादेश र पाकिस्तान पनि सहभागी हुने जनाए पनि अन्तिम समयमा नआएको संघले जनाएको छ ।

च्याम्पियनसिपमा ६४० केजी सिनियर पुरुष, ४८० केजी सिनियर महिला, ६०० केजी यू–१९ पुरुष, ४४० केजी यू–१९ महिला, ५६० केजी मिक्स र ५४० केजी मिक्स स्पर्धामा प्रतिस्पर्धामा भक्तपुरको जनप्रेमी स्कुल उपविजेता भएका थिए । जनप्रेमी स्कुल फाइनल खेलमा भारतसँग २—० ले पराजित भएका थिए ।

नेपाली खेलाडीको छनोट हिसान खेलकुद प्रतियोगिताबाट गरिएको आयोजकले बताए । च्याम्पियनसिपमा सहभागी हुन भारतबाट एक सय ४० खेलाडी नेपाल आएका थिए ।

च्याम्पियनसिपको व्यवस्थापने श्री भगवती क्लबले गरेको थियो ।