नवनीत टड्लर्स जोनले मनाए अन्तर्राष्ट्रिय पोषण दिवस (फोटो फिचर)

काठमाडौँ । नवनीत टड्लर्स जोनले अन्तर्राष्ट्रिय पोषण दिवसको अवसारमा ब्रिटिस काउन्सिलद्वारा आयोजित अन्तर्राष्ट्रिय स्कुल अवार्ड २०१८–२०१९ मा कक्षा २ का विद्यार्थी र शिक्षकहरूले गरेका परियोजना–लोकल फूड अफ नेवारी कल्चरको पाश्चात (पोष्ट) क्रियाकलापको रुपमा मनाएका छन् ।

कार्यक्रममा कक्षा १, २ र ३ का विद्यार्थीका आमाहरूलाई विशेष निम्तो गरिएको थियो भने कार्यक्रममा विशेष क्रियाकलापका लागि पोषण विशेषज्ञ डा. मिरा शाह, योगा प्रशिक्षक सृजना राजवहक कक्षापति, जुम्बा प्रशिक्षक मेनुका राई उपस्थित थिए ।  कार्यक्रममा डा. मिरा शाहबाट सन्तुतिल भोजनबारे रोमाञ्चक प्रकारले प्रस्तुतीकरण गरेका थिए भने जुम्बा प्रशिक्षक मेनुकाद्वारा १५ मिनेटको जुम्बा अभ्यास गराइएको थियो । त्यस्तै योगा प्रशिक्षक सृजनाद्वारा मन, मस्तिष्क र शरिरलाई आराम गर्नको लागि योग अभ्यास गराएका थिए ।

कार्यक्रममा अभिभावक (आमा) र विद्यार्थी दुवैको उपस्थित भएकोले कार्यक्रम अझै प्रभावकारी भएको विद्यालयका प्रिन्सिपल नीता श्रेष्ठ बताउँछिन् । यस्ता कार्यक्रम सञ्चालन गरेर नवनीत टड्लर्स जोनले आफ्नो स्कुलको पाठ्यक्रममा अन्तर्राष्ट्रियस्तर दिएको उनी बताउँछिन् ।