विनायकमा अभिभावक सचेतना कार्यक्रम सम्पन्न

मध्यपुरथिमिस्थित विनायक शिक्षा निकेतन ई से स्कूलले शैक्षिक सत्र २०७६ को वैशाख महिनामा अभिभावक सचेतना कार्यक्रमको पहिलो चरण सम्पन्न गरेको छ । पूर्व माध्यामिक तह र कक्षा १ देखि ३ सम्मको तह हुदै वैशाख २८ गते कक्षा ४ देखि १० सम्मका विद्यार्थीहरुका अभिभावकहरुको लागि विशिष्ट अभिभावक सचेतना कार्यक्रम तीन तहमा आयोजना गरेको छ ।

उक्त कार्यक्रममा सहभागी सम्पूर्णलाई न्यानो स्वागत गर्दै विद्यालयका संस्थापक प्रिन्सिपल सुरेन्द्रविक्रम प्रजापतिले युग सुहाउँदो शिक्षा प्रदान गरी विद्यार्थीहरुलाई असल र सफल दुवै बनाउन विद्यालयसँग अभिभावकहरुको पनि विशेष हुनुपर्छ भन्ने विचार पोख्नुभयो । आफ्ना विचार राख्ने क्रममा शैक्षिक सत्र २०७६ मा विद्यालयले अवलम्वन गरेका नीति तथा कार्यक्रमहरुबारे पनि स्पष्ट पार्नुभयो ।

न्यू एभरेष्ट पार्टी प्यालेस, मध्यपुर थिमिमा सम्पन्न सोहि कार्यक्रममा विद्यालयका परामर्शदाता श्री तुल्सीहरि प्रजापतिले “असल अभिभावकत्व कला” विषयक प्रस्तुती दिनुहुदै छोराछोरीहरुलाई गुणस्तरीय नागरिकको रुपमा विकास गर्न आमा र बुवा दुवैको समान सहभागिता हुनुपर्ने, वालमैत्री गृहको निर्माणसँगै वालमैत्री व्यवहारद्घारा हेरचाह गर्नुपर्ने, छोराछोरीको उमेर, मनोविज्ञान तथा आवश्यकता अनुसार संस्कारयुक्त वातावरण निर्माण गर्नुपर्ने आदी महत्वपूर्ण विषयहरुमा सरल तथा उत्पैरित गर्नुभयो ।

त्यसैगरी, विद्यालयको नवीन सोचहरुको सकारात्मक प्रतिक्रिया दिंदै अभिभावकहरु दिलिप कुमार प्रजापति, राजेन्द« बस्नेत, भूषन श्रेष्ठले विद्यालयको नीति तथा कार्यक्रमहरुमा सहयोग तथा सहकार्य गर्नु अभिभावकहरुको कर्तव्य हो भन्ने विचार पोख्नुभयो । साथै विद्यालयको उत्तरोत्तर प्रगतिको लागि आवश्यक थप सल्लाह सुझावहरु प्नि दिनुभयो ।

कार्यक्रमको अन्त्यमा, कार्यक्रम प्रस्तोता विद्यालयका सहायक प्रिन्सिपल प्रेमप्रसाद निरौलाले विद्यार्थीहरुको सर्वाङ्गीण विकासको लागि अभिभावक–विद्यार्थी–शिक्षकको त्रिकोणात्मक सम्बन्ध मजवुट र घनिष्ट हुनुपर्ने विचार राख्दै उपस्थित सम्पूर्णमा धन्यवाद ज्ञापन गर्दै कार्यक्रम समापन भएको जानकारी गराउनुभयो ।

:410 Views

Leave a Reply