विनायकमा चुनावी रौनक

मध्यपुर थिमि । विनायक शिक्षा निकेतन ई से स्कुलमा मतदान प्रक्रियाद्वारा विभिन्न सदनका क्याप्टेन, भाइस क्याप्टेनका साथै स्कुल प्रेसिडेन्ट छात्र र छात्रा छनौट भएका छन् ।

करिव २ साता अगाडिदेखि निश्चित समय छुट्याएर विद्यार्थीहरुलाई निर्वाचन प्रक्रियाका बारेमा जानकारी गराउँदै आएको विद्यालयले गोप्य मतदानद्वारा आफ्ना सदनका प्रतिनिधिसमेत विद्यालयकै प्रेसिडेन्ट छनोट गरेका छन् । निर्वाचन आयोगले निर्वाचन गराउँदाका सम्पूर्ण प्रक्रिया (उम्मेदवारको मनोनयनदेखि नाम फिर्ता, उम्मेदवारी विरुद्ध उजुरी, दाबी विरोध लगायत) गराइएको थियो । कक्षा ४ देखि १० सम्मका करिब ६ सय विद्यार्थीहरुले निर्वाचनमा भाग लिएका थिए ।

विद्यालयको अतिरिक्त क्रियाकलाप विभाग र सामाजिक शिक्षा विभागको संयोजनमा सम्पन्न निर्वाचनमा कान्जिरोवाबाट छात्र क्याप्टेन सुरज श्रेष्ठ र छात्र भाइस क्याप्टेन प्रतिक प्रजापति छात्रा क्याप्टेन जेनिसा बस्नेत छात्रा भाइस क्याप्टेन स्नेहा बस्नेत निर्वाचित भए यस्तै एभरेस्टबाट छात्र क्याप्टेन पारस तामाङ, छात्र भाइस क्याप्टेन रोनिक जोशी श्रेष्ठ र छात्रा क्याप्टेन सकिरा चक्रधर छात्रा भाइस क्याप्टेन श्रुति कारन्जित छनोट भए । यसैगरी कन्चनजङ्घाबाट छात्र क्याप्टेन सम्राट प्रजापति र छात्र भाइस क्याप्टेन रोनिक भासिमा एवं छात्रा क्याप्टेन आयुस्मा मानन्धर छात्रा भाइस क्याप्टेन सजी चक्रधर भएभने फिसटेल हाउसबाट छात्र क्याप्टेनमिलन आलेमगर र छात्र भाइस क्याप्टेन मनिक प्रजापति छात्रा क्याप्टेन रुजा प्रजापति छात्रा भाइस क्याप्टेन श्रीया श्रेष्ठ निर्वाचित भए ।

यसैगरी सबै सदनबाट सम्पूर्ण विद्यार्थीहरुको मतदानद्धारा स्कूल प्रेसिडेन्टमा कक्षा १० का भाई निखिल प्रजापति छात्रतर्फ र कक्षा १० कै बहिनी टिना प्रजापति छात्रातर्फ निर्वाचित भए । सम्पूर्ण विद्यार्थीहरुलाई धन्यवाद दिँदै विद्यालयका प्रधानाध्यापक सुरेन्द्र विक्रम प्रजापतिले यस्ता कार्यक्रमले विद्यार्थीहरुको व्यावहारिक पक्षलाई जोड दिएको बताए । यसैगरी शिक्षण सिकाइमा व्यावहारिकता र संस्कारयुक्त शिक्षको महत्व रहेको धारणा समेत प्रिन्सिपलले राखेका थिए । निर्वाचित क्याप्टेन, भाइस क्याप्टेन एंव स्कुल प्रेसिडेन्ट छात्र र छात्रालाई पुरस्कार एंव व्याज वितरण गरिएको थियो ।