भक्तपुर प्याब्सनको रक्तदान कार्यक्रम

भक्तपुर, जेठ ३२ । भक्तपुर नगर कार्यसमिति प्याब्सनले यो वर्षको पहिलो कार्यक्रम स्वरुप भक्तपुरको सिद्धपोखरीमा खुल्ला रक्तदान कार्यक्रम सम्पन्न गरेको छ ।

रक्तदान नै जीवनदान भन्ने मूल नाराका साथ आयोजित कार्यक्रममा विद्यालयका प्रधानाध्यापक, शिक्षक शिक्षिका, विद्यार्थी, पत्रकार लगायत विभिन्न आगन्तुक महानुभावको सहभागिता रहेको थियो ।

कार्यक्रममा ३४ जनाले रक्तदान गरेका थिए । नेपाल रेडक्रस सोसाइटी भक्तपुरको सहकार्यमा सो कार्यक्रम भएको थियो । भक्तपुर नगर कार्यसमिति प्याब्सनका अध्यक्ष रमेशचन्द्र श्रेष्ठले कार्यक्रम सफलतापुर्वक सम्पन्न भएकोमा सम्पूर्ण सहयोगी हातहरुप्रति हार्दिक धन्यवाद व्यक्त गरेका थिए ।