नेपालमा पहिलो पटक भएको केनदामा स्पर्धामा चम्पक विद्यापिठ विजयी

भक्तपुर, ९ असार । नेपालमा पहिलो पटक सञ्चालन गरिएको जापानी खेल केनदामा प्रतियोगितामा भक्तपुरको विद्यापिठ विजयी भएको छ ।

आइतबार भएको स्पर्धामा पारागन एकेडेमी दोस्रो र हिमालय ग्लोरी तेस्रो भएको थियो । स्पर्धामा चम्पक बिद्यापीथले ५ सय ८८ अंक र पारागन एकेडेमीले ५३८ अंक ल्याएको थियो ।

नेपाल केनदामा नेटवर्कका संयोजक पुण्यराम कवां यो खेलले विद्यार्थीको शारिरीक र मानसिक विकास गर्ने भएकाले सो खेललाई महत्व दिइएको बताउँछन् ।

नेपाल केनदामा नेटवर्कको आयोजनामा भएको कार्यक्रमको उद्घाटन जापानी राजदुतावासका सहायक राजदुत योशिवोकाले गरेका थिए । कार्यक्रममा जाइकाका नेपाल च्याप्तर आसकुमा, ओसाका हिरानो क्लब जापान रातरिएन र क्वान्सेइ गाकुइन युनिभर्सिटीका प्रोफेसर डाक्टर ताकेशी सेकियाले केनदामा खेलका बारेमा चर्चा गरेका थिए ।

तीन चरणमा सम्पन्न उक्त प्रतियोगितामा केनदामा त्रिक प्रतियोगितामा पारागनका नवराज श्रेष्ठले र चम्पक विद्यापीथका गिरिशले १०४ स्कोर गरेर प्रथम भएका छन् । केनदामा दौडमा पारागनका बिध्यार्थीहरुले प्रथम स्थान हासिलगरेका थिए भने मोशिकामे चुनौती प्रतियोगितामा प्रथम, द्वितीय र तृतीय स्थान चम्पक बिद्यापीथले हासिल गर्न सफल भएको थियो ।

स्पर्धामा प्रथम, द्वितीय र तृतीय भएका विद्यार्थीलाई मेडल र प्रथम भएको विद्यालयलाई रनिङ सिल्ड प्रदान गरिएको थियो ।