भक्तपुरको आदर्श जनप्रेमीका २ र विनायक स्कुलका १ विद्यार्थीले ल्याए ४ जिपिए

भक्तपुर, १३ असार । २०७५ सालको माध्यमिक शिक्षा परीक्षा (एसईई) को नतिजा हिजो प्रकाशन भएको छ ।

नतिजा अनुसार भक्तपुर कौशलास्थित आदर्श जनपे्रमीका कञ्चन श्रेष्ठ र अनुप काफ्लेले ४ जिपिए ल्याएका छन् । विद्यालयको ऐतिहासिक २५ औँ ब्याचका दुई विद्यार्थीले ४ जिपिए ल्याएर इतिहास रचेको विद्यालयका प्राचार्य निलेश आचार्य बताउँछन् । उनले जिपिए ३.६ भन्दा माथि ३५ जना, ३.२ भन्दा माथि २२ जना, २.८ भन्दा माथि ५ जना, २.४ भन्दा माथि १ जना र २.० भन्दा माथि १ जना रहेको बताए ।

यता भक्तपुर मध्यपुरथिमीस्थित विनायक शिक्षा निकेतन स्कुलकी रोजा श्रेष्ठले पनि ४ जिपिए ल्याएकी छिन् । १२ वर्षपछि खोला फर्किन्छ भनेझैँ २०६४ सालमा यसै विद्यालयकी छात्रा सिल्भिया बज्राचार्यले बोर्ड फस्ट ल्याइकी थिईन् । आज १२ वर्षपछि रोजाले ४ जिपिए ल्याएर अर्को इतिहास रचेको विद्यालयका प्रधानाध्यपाक सुरेन्द्र विक्रम प्रजापतिले नुवागीलाई बताए । उनले जिपिए ३.६ भन्दा माथि २७ जना, ३.२ भन्दा माथि ४२ जना, २.८ भन्दा माथि ३ जना, २.४ भन्दा माथि १ जना रहेको जानकारी दिए ।