४ जिपिए ल्याउने छात्रालाई विनायक स्कुलले एकलाख रुपैयाँ दिने

भक्तपुर, १६ असार । विनायक शिक्षा निकेतन सेकेण्डरी स्कुल मध्यपुर थिमीले २०७५ को एसईई परीक्षामा ४ जिपिए ल्याएर उत्कृष्ट भएकी सो विद्यालयकी मेधावी छात्रा रोजा श्रेष्ठलाई एकलाख रुपैयाँसहित ‘विनायक एसईई उत्कृष्ट शैक्षिक पुरस्कार’ प्रदान गर्ने घोषणा गरेको छ ।

२०७५ सालको एसईई परीक्षामा सहभागी विनायक शिक्षा निकेतनका ७३ विद्यार्थीमध्ये सर्वाेत्कृष्ट भई ४ जिपिए ल्याएर विद्यालय, मध्यपुर थिमी र भक्तपुर जिल्लाकै नाम राख्न सफल भएकोले उनलाई विद्यालयले एक लाख रुपैयाँसहित पुरस्कृत गर्न लागिएको विद्यालयका संस्थापक प्रिन्सिपल सुरेन्द्र विक्रम प्रजापतिले बताए ।

सोही विद्यालयकी छात्रा सिल्भिया बज्राचार्य २०६४ सालको एसएलसी परीक्षामा ९३ दशमलव ६३ अंकका साथ नेपालभरीमै सर्वाेत्कृष्ट भएकी थिइन् । २०७५ सालको एसईई परीक्षामा सहभागी भएका विनायक स्कुलका विद्यार्थीमध्ये रोजाले जिपिए ४ का साथै दुईजनाले ३ दशमलव ९५ जिपिए, तीनजनाले ३ दशमलव ९० जिपिए सहित २७ जनाले ए प्लस, ४२ जनाले ए, ३ जनाले बि प्लस र एकजनाले बि ल्याई एसईई उतिर्ण भएका थिए ।

:218 Views

Leave a Reply