पारागन एकेडेमीमा बधाई तथा विदाई कार्यक्रम

भक्तपुर । भक्तपुर कमलविनायकस्थित पारागन एकेडेमीले एसईई २०७५ सालमा सम्मिलित सम्पूर्ण विद्यार्थीहरुलाई विद्यालयले एक कार्यक्रमको आयोजना गरी बधाई तथा विदाई गरेको छ ।

विद्यालय व्यवस्थापन समितिका अध्यक्ष लक्ष्मण प्रसाद किसिको सभापतित्वमा भएको उक्त कार्यक्रमलाई विद्यालयका सह—प्रधानाध्यपाक राजेन्द्र फोजूले उपस्थित सम्पूर्णलाई स्वागत गरेका थिए ।

कार्यक्रमका अतिथिहरु वागेश्वरी माविका प्राचार्य कृष्णप्रसाद धन्छा, आदर्श माविका प्राचार्य श्री कृष्ण किसि, बासु माविका प्राचार्य अम्बिका न्याइच्याई, प्रिन्सिपल पुण्यराम कवां र विव्यसका अध्यक्ष किसीले ४१ जना एसईईमा सम्मिलित विद्यार्थीहरुलाई मञ्चमा बोलाएर टिका, खादा र मायाको चिनो प्रदान गरी सम्मान गरेका थिए ।

सोही क्रममा सबभन्दा बढी ३.९० जिपीए ल्याउने समीर कोजूलाई विशेष सम्मान गरिएको थियो । प्रिन्सिपल कवांले आफ्नो मन्तव्यको क्रममा व्यवस्थापन समिति, शिक्षकहरु र विद्यार्थीहरुको मेहेनतले आज यो सफलता हासिल गर्न सकेको बताए ।
कार्यक्रममा अतिथीहरुले व्यवस्थापन, विज्ञान, मानविकी संकायको बारेमा जानकारी दिएका थिए । उनीहरुले शैक्षिक गन्तव्य भक्तपुर र ज्ञान विज्ञानको केन्द्र भक्तपुरबारे जानकारी दिएका थिए ।