राजस्वि पाठशालाका विद्यार्थी बृद्धाश्रममा रमाउँदै

भक्तपुर, असार २७ | विद्यार्थीको चौतर्फी विकासको निरन्तरता दिँदै राजस्वि पाठशालाका विद्यार्थीहरु बोडेस्थित श्री द्योमाँ जगत बृद्धाश्रम पुगेका हुन् ।

पाठशालाको नियमित भ्रमण तालिका अन्तर्गत यो सामाजिक भ्रमण रहेको प्रिन्सिपल कान्ति के.सी. ले बताए । विद्यार्थीमा सेवा, सम्मान तथा अग्रजको आदर गर्नु पर्छ भन्ने सामाजिक भावनाको शिक्षा तथा ज्ञानको निम्ति भ्रमण फलदायि रहेको उनले बताइन् । पाठशालाका विद्यार्थीले आफ्नो खाजाको केही रकमबाट आफैले चिया बिस्कुट बाँड्दै बल खेलेका थिए । आश्रमका बृद्ध बृद्धाले एक दिनलाई भए पनि आफ्नो परिवार मिलेको आभास गरेको बताए र फेरी फेरी आउन अनुरोध गरे । आश्रमको विविध कोठाहरुको अवलोकन र भलाकुसारी गर्दै विद्यार्थीहरु घर फर्केका थिए ।