काभ्रे प्याब्सनले गर्यो ९६३ विद्यार्थीलाई सम्मान

बनेपा –  एसईई परिक्षामा उत्कृष्ट अंक ल्याउने ९६३ जना विद्यार्थी सम्मानित भएका छन् । निजी तथा आवासीय विद्यालय अर्गनाइजेशन नेपाल (प्याब्सन) जिल्ला कार्यसमिति काभे्रले ५० संस्थागत विद्यालयका ९६३ विद्यार्थीलाई सम्मान गरेको हो ।

शनिबार बनेपामा एक कार्यक्रमका बीच ३.२५ देखी ४ जिपिए ल्याउने विद्यार्थीलाई सम्मान गरेको प्याब्सनले जनाएको छ । सम्मान कार्यक्रममा निजी तथा आवासीय विद्यालय अर्गनाइजेन नेपालका केन्द्रीय अध्यक्ष टीकाराम पुरीले मुलुकको शैक्षिक गुणस्तरीयतामा निजी विद्यालयले महत्वपूर्ण भूमिका खेलेको बताए ।

प्याब्सनका बरिष्ठ उपाध्यक्ष राजेन्द्र बाँनियाले अहिले कक्षा १० सम्म सञ्चालनमा रहेका निजी विद्यालयहरुले कक्षा ११ र १२ सञ्चालन गर्नुपर्नेमा जोड् दिँदै यसले काभे्रलाई शैक्षिक हव बनाउन सहयोग पुग्ने बताए । प्याब्सनका जिल्ला अध्यक्ष पूर्णकुमार श्रेष्ठले विद्यार्थीको हौसल प्रदान गर्न सम्मान कार्यक्रम गरिएको बताए ।

कार्यक्रममा स्वागत मन्तव्य जिल्ला कार्यसमितिका बरिष्ठ उपाध्यक्ष सरोज न्यौपानेले गरेको उक्त सम्मान कार्यक्रममा प्याब्सनका केन्द्रीय उपाध्यक्ष गोपाल आचार्य, केन्द्रिय सदस्य हिरा शर्मा नेपाल, सचिव भीमसेन केसी, प्रदेश न ३ का सहकोषध्यक्ष श्रीकृष्ण श्रेष्ठ, जिल्ला उपाध्यक्ष महेन्द्र थिङ, सञ्चारकर्मी लगायतको उपस्थिती रहेको थियो ।

कार्यक्रममा जिल्लाबाट ४ जिपिए ल्याएका सूर्योदय स्कुलका सुभेष धांजु, क्षीतिज स्कुलका आरती ढुङ्गाना र विद्यालयलाई विशेष सम्मान गरिएको थियो ।

:72 Views

Leave a Reply