प्रेशस् स्कुलको बधाई तथा विदाई कार्यक्रममा शिक्षक सम्मानित

भक्तपुर । सुर्यविनायक नगरपालिका, बालकोटस्थित प्रेशस् सेकेन्डरी स्कुलले विद्यालय सभा हलमा एसईई २०७५ सालमा उत्तीर्ण विद्यार्थीहरुलाई विद्यालयले बधाई तथा विदाई गरेको छ ।

कार्यक्रममा विद्यार्थीमात्र नभई विद्यालयले वर्षको उत्कृष्ट शिक्षकको उपाधि रन्जनी कार्की थापालाई पनि सम्मान गरेको छ । वर्षदिन विद्यार्थी र विद्यालयको लागि खत्ने शिक्षक/शिक्षिकालाई पनि सम्मान गर्ने उद्देश्यले यो वर्षदेखि अधिवक्ता अजिता अर्याल काफ्लेको प्रायोजनमा उक्त सम्मान गरिएको थियो ।

विद्यालय व्यवस्थापन समितिका अध्यक्षको सभापतित्वमा भएको उक्त कार्यक्रमका अतिथिहरु एवं प्रिन्सिपल भोला चौधरीले ३१ जना एसईई उत्तीर्ण विद्यार्थीहरुलाई मञ्चमा बोलाएर टिका, खादा र मायाको चिनो प्रदान गरी सम्मान गरिएको थियो ।

कार्यक्रमलाई सम्बोधन गर्दै प्रिन्सिपल चौधरीले विद्यार्थीहरुलाई आफ्नो रुचिको विषय मात्र पढ्न आग्रह गरे । उनले अभिभावकको लागि नपढी र साथीहरुको लहलहैमा नलागी आफ्नो रुची अनुसारको विषय छनौट गर्न आग्रह गरे । उनले जागरी खोज्ने व्यक्ति नभई जागिर दिने व्यक्ति बन्ने लक्ष्य लिन आग्रह गरे ।

कार्यक्रममा एसईई स्कुल टपर (३.९० जिपिए) रोजीना बस्नेतलाई विशेष सम्मान गरिएको थियो । कार्यक्रममा अतिथीहरुले विद्यार्थीहरुलाई बधाई दिँदै भक्तपुरकै कलेजहरुमा पढ्न आग्रह गरेका थिए । कार्यक्रममा विद्यार्थीहरुले विद्यालयको प्रशंसा गर्दै विद्यालय छोडेर जानु पर्दाको पिडा पोखेका थिए ।

:65 Views

Leave a Reply