ललितपुर प्याब्सनले गर्यो एसईई विद्यार्थीलाई बधाई

ललितपुर । ललितपुर निजी तथत आवासीय विद्यालय अर्गनाइजेशन नेपाल (ललितपुर प्याब्सन) ले साउन ३ गते ललितपुर जिल्लाबाट ३.६५ जिपिए भन्दा माथि आएका विद्यार्थीहरुलाई सम्मान गरेको छ ।

कार्यक्रममा एसईई २०७५ मा ललितपुर जिल्लाबाट ४ जिपिए ल्याउने विद्यार्थीहरुलाई नगद रु. १०,०००/— सहित खादा, टिका, प्रमाणपत्र दिई सम्मान गरिएको थियो ।

कार्यक्रमका प्रमखु अतिथी एवं सम्माननीय पूर्व प्रधानमन्त्री माधव कुमार नेपालले सम्मानित सबै विद्यार्थीहरुलाई बधाई दिँदै योग्यता क्षमता भएको मान्छेमा आत्म विश्वास हुने र त्यसको लागि लगातारको साधना चाहिने बताए । उनले विद्यार्थीहरुलाई पढ्न, अध्ययन गर्न र मेहनत गर्न आग्रह गरेका थिए ।

कार्यक्रममा विशेष अतिथी, सांसद एवं शिक्षासेवी उमेश श्रेष्ठले आफू ४० वर्ष शिक्षा क्षेत्रमा लागेको र त्यसको फल अहिले आएर पाएको बताए । उनले आफू सांसद भएर नभई शिक्षासेवी भएर सम्मान पाइराखेको बताए । उनले निजी विद्यालयहरु आत्ति हाल्नु पर्ने अवस्था नभएको बताए । देशलाई निजी तथा सामूदायिक दुवै विद्यालय चाहिने र सामूदायिक विद्यालय राम्रो भए निजी विद्यालय नै नचाहिने उनले बताए । उनले आजको भोलि राज्यले लगानी गरेर जाने सम्भावना नभएको बताए । यसपालिको एसईईको परीक्षामा ४९ प्रतिशत विद्यार्थी गणित विषयमा अनुत्तीर्ण भएको, २५ अंक प्रयोगात्मक भएर यो हालत छ भने त्यो नहुने हो भने के हुने भन्ने प्रश्न उनले गरेका थिए ।

कार्यक्रममा सभापति एवं ललितपुर प्याब्सनका अध्यक्ष राधे कृष्ण महर्जनले विद्यार्थी, विद्यालयहरुलाई बधाई तथा कार्यक्रम सफल बनाउन सहयोग गर्ने सम्पूर्णलाई धन्यवाद व्यक्त गरेका थिए । कार्यक्रममा केन्द्रिय प्याब्सनका पदाधिकारीहरुको बाक्लो उपस्थित रहेको थियो ।

see

:86 Views

Leave a Reply