ग्रामरका विद्यार्थी लोकबाजा संग्रहालयमा

काठमाडौं । ग्रामर पब्लिक स्कुल कोटेश्वरको संगीत क्लवमा आवद्ध ११ विद्यार्थी नेपाल लोक बाजा संग्रहालय त्रिपुरेश्वरको अवलोकन भ्रमणमा गएका छन् । विद्यालयका संस्थापक निर्देशक एवम् गीतकार दिलेन्द्र मुकारुङ्ग राईसंग कक्षा ४ देखि १० सम्मका विद्यार्थी नेपाल टेलिभिजनको वालकार्यक्रम ‘हिँड्दा हिँड्दै’ को सुटिङ्गको सिलसिलामा त्यहाँ गएका हुन् । कार्यक्रम ‘हिँड्दा हिँड्दै’ कार्यक्रमका निर्देशक हेमन्त गौतम, फोटोग्राफर नेल्शन मुकारुङ्ग राई लगायत थिए ।

त्यहाँ गएका गायक, उद्घोषक, कलाकारहरु विद्यार्थीहरुमा अनामिका अर्याल, प्रतिक राई, स्मारिका सिटौला, चाँदनी राई,स्मृति राई, निहारिका राई, गौरव पौडेल, आस्का कर्ण, तपुर अधिकारी लगायत थिए । उनीहरुलाई नेपाली लोकबाजा संग्रहालयका रामप्रसाद कँडेलले त्यहाँ राखिएका विभिन्न थरीका बाजाको बारेमा विद्यार्थीहरुलाई बताएका थिए ।