सामुदायिक स्कुलमा निशुल्क स्वास्थ्य शिविर

पनौती । पनौतीस्थित सामुदायिक बोर्डिङ्ग स्कूलको आयोजना र मच्छे क्लिनिक पनौतीको सहआयोजनामा निशुल्क स्वास्थ्य शिविर साउन १९ गते संचालन भएको छ । वेलायती र नेपाली डाक्टरहरुको उपस्थीतिमा कक्षा १ सम्म अध्ययनरत बालबालिका र उनीहरुका अभिभावकहरुको लागि स्वास्थ्य परीक्षण गरीएको थियो । करिब २०० जना स–सानाबालबालिकाहरुलाई Growth Development समेतको परीक्षण गरिएको उक्त कार्यक्रममा १८० जना अभिभावक तथा वृद्धवृद्धाहरुको स्वास्थ्य परीक्षण गरीएको थियो । १८० जनामध्ये धेरै जसोले सुगर परीक्षण लगायतको सुविधा पाएका थिए । प्राय सबै अभिभावकहरुले निशुल्क औषधी प्राप्त गरेको कुरा स्कूलका डाइरेक्टर ओमकृष्ण श्रेष्ठ र मच्छे क्लिनिकका प्रोपाइटर प्रताप कर्मचार्यले बताए । परीक्षणको क्रममा विद्यालयमा कमजोर भएका १० देखि १६ वर्षका ५० जना बालबालिका समेतको स्वास्थ्य परीक्षण गरीएको थियो ।

मायाको चिनो प्रदान गरी शिविर संचालन गर्न सहयोग गर्ने सबैलाई प्रिन्सिपल पूर्ण कुमार श्रेष्ठले सम्मान एवं बधाई दिएका थिए ।