फिजमको एकल नृत्य प्रतियोगितामा न्यू भिजनकी कृषा विजयी

भक्तपुर, २८ साउन । काठमाडौँस्थित संस्थागत विद्यालय सञ्चालकहरुको मञ्च (फिजम) को आयोजनामा गरिएको ‘अन्तविद्यालय स्तरीय एकल नृत्य प्रतियोगिता’ मा न्यू भिजन स्कुलकी छात्रा कृषा श्रेष्ठ विजयी भएकी छिन् ।

कक्षा १ देखि ५ सम्मका विद्यार्थीबिच गरिएको प्रतियोगितामा ग्रीन ह्वीच एकेडेमीको तान्या कार्की दोस्रो भइन् भने मोनास्टिक पब्लिक इङ्लिश स्कुलका ओसमुन तामाङ तेस्रो भए । फिजमको पहिलो संस्करणको रुपमा रहेको सो स्पर्धामा अर्किट पिपुल सेकेण्डरी स्कुलकी लभिका कार्की तेस्रो र रत्न शिक्षा सदनकी आयुषा तिमल्सिना चौथो भइन् ।

कार्यक्रममा फिजमका उपाध्यक्ष अमृत खड्काले कार्यक्रमको औचित्य बारेमा चर्चा गरेका थिए । त्यस्तै कार्यक्रम संयोजक सुनिल केशीले विद्यार्थीको एकल प्रतिभा प्रस्फुटन गरी उनीहरुलाई प्रोत्साहन गर्नको लागि प्रतियोगिता आयोजना गरिएको बताए । 

नायक रमित ढ्ङ्गानाले विजेता विद्यार्थीलाई पुरस्कार वितरण गरेका छन् । प्रथमलाई नगद रु ५ हजार, दोसोलाई नगद रु ४ हजार, तेस्रोलाई नगद रु ३ हजार, चौथौँलाई नगद रु २ हजार र पाचौँ भएको विद्यालयलाई नगद रु १ हजार वितरण गरिएको छ । साथै प्रथम, द्वितीय, तृतीय, चौथौँ र पाचौँ भएका विद्यार्थीलाई ट्रफि, मेडल तथा प्रमाणपत्र वितरण गरिएको छ ।