चीनमा रम्दै जुनियर फुटबल एकेडेमीका खेलाडी

काठमाडौं, २९ साउन । यतीखेर जुनियर फुटबल एकेडेमी नेपालका १२ वर्ष मुनीका १६ जना साना फुटबल खेलाडी चीनको अर्काे शहर शिन्दाओमा आयोजना भईरहेको गोेथिया कप २०१९ मा खेल्दै रमाइरहेका छन् ।

युवा र किशोर (युथ) फुटबल खेलाडीको लागि विश्वकप सरह मानिने उक्त फुटबल प्रतियोगितामा आयोजक चीनको साथै नेपाल, अमेरिका, जापान लगायत विश्वका ५० भन्दा बढी मुलुकका ५ हजार भन्दा बढी किशोर र युवा फुटबल खेलाडीले भाग लिएका छन् ।

जुनियर फुटबल एकेडेमी नेपालका अध्यक्ष एवम् काव्य स्कुलका संस्थापक निर्देशक रिजन खड्काको नेतृत्वमा एकेडेमीका प्रमुख प्रशिक्षक प्रज्ज्वल प्रताप क्षेत्री, अफिसियल सुवाश गौली र सहायक प्रशिक्षकद्वय नरेश रावल र प्रशान्त महर्जनसंग उनीहरु चीनमा गएका थिए । बुधबारसम्म नेपाली खेलाडीले विभिन्न ४ वटा मुलुकका फुटबल टिमसंग मैत्रीपुर्ण र प्रतियोगी म्याच खेलिसकेका छन ।

औपचारिक उद्घाटन मंगलबार साँझ भएको उक्त प्रतियोगिता यही १८ अगस्टसम्म सञ्चालन हुँदैछ ।

:52 Views

Leave a Reply