एनटीएलाई अन्तर डोजाङ तेक्वान्दो प्रतियोगितामाको उपाधि

काठमाडौं । आयोजक नेपलिज तेक्वान्दो एकेडेमी (एनटीए) चौथो अन्तर डोजाङ तेक्वान्दो प्रतियोगिताको उपाधि चुम्न सफल भएका छन् ।
मुलपानीस्थित बाल गीताञ्जली स्कुलमा भएको प्रतियोगितामा एनटीएले १३ स्वर्ण, ५ रजत र ४ कांस्य जितेको थियो । २ स्वर्ण र ३ कास्यसाथ फेरिल्यान्ड दोस्रो भएका थिए । अल्पाइनले १ स्वर्ण, ५ रजत र ४ कांस्य सहित तेस्रो भएका थिए । प्रतियोगिताको समापनका अवसरमा युनिटी तेक्वान्दो एकेडेमी, हङकङका अध्यक्ष दिलबहादुर गुरुङलाई विदेशमा रहेर पनि तेक्वान्दोको विकास र विस्तारमा महत्वपूर्ण योगदान पु¥याएवापत सम्मान गरिएको थियो । त्यसै अवसरमा एनटीएफले अन्तर्राष्ट्रिय तेक्वान्दोमा पदक जित्न सफल आफ्ना खेलाडीलाई नगदसहित सम्मान गरेको थियो । सम्मानित हुनेमा आयुश ढुङ्गेल, चन्द शाही, श्रीकृष्ण श्रेष्ठ र प्रगति कुइकेल रहेका थिए ।
राष्ट्रिय खेलकुद परिषद्का सदस्य–सचिव रमेशकुमार सिलवालले अध्यक्ष गुरुङ र खेलाडीलाई सम्मान गरेका थिए । एक दिने प्रतियोगितामा विभिन्न १३ डोजाङका १ सय ३५ खेलाडीले विभिन्न १७ स्पर्धामा प्रतिस्पर्धा गरेको एनटीएका अध्यक्ष अशोक खड्काले जनाएका छन् ।

:48 Views

Leave a Reply