लिटिल फ्लावर्स स्कुललाई इन्टरनेशनल स्कुल अवार्ड (फोटो फिचर)

ललितपुर । शंखमुल, दथुलानस्थित लिटिल फ्लावर्स पब्लिक स्कुलले इन्टरनेशल स्कुल अवार्ड जितेको छ । ब्रिटिस काउन्सिल नेपालको आयोजनामा कनेक्टिङ क्लासरुम (Connecting Classroom) अन्तर्गत भदौ ३ गते होटल याक एण्ड यतिमा सम्पन्न भएको इन्टरनेशनल स्कुल अवार्ड (आईएसए) घोषणा कार्यक्रममा लिटिल फ्लावर्स पब्लिक स्कुलले इन्टरनेशनल स्कुल अवार्ड जितेको थियो ।

विद्यालयले ९ वटा परियोजना निर्माण गरी सो बमोजिम वर्षभरि कार्ययोजना बनाई अगाडी बढेको प्रिन्सिपल महर्जन बताउँछन् । देशको ४१ वटा विद्यालयहरुलाई पुरस्कृत गरिएको उक्त कार्यक्रममा यस विद्यालयले गरेको ९ वटा परियोजना मध्ये शहरी क्षेत्रमा कौसी खेती नामक परियोजना (Roof Top Farming in City Area) Project मा उत्कृष्ट विद्यालय परियोजना पुरस्कार समेत हासिल गरेको उनी बताउछन् ।

उल्लेखित परियोजना कार्यान्वयनबाट विद्यार्थी भाइबहिनीहरुमा नेतृत्व विकास, सामाजिक विकास, स्वाबलम्बी, विदेशमा रहेका विद्यालयकाहरुका विद्यार्थीहरुसँगको सहकार्य तथा सहयोगको भावनाको विकास भएको उनको अनुभव छ । परियोजना मार्फत शिक्षण सिकाईबाट विद्यार्थीहरुका सिकाईमा प्रभावकारी भएको, परम्परागत शिक्षण विधीलाई विस्तारित गरी विद्यार्थी केन्द्रित शिक्षण सिकाईलाई अगाडी बढाउन सकिएको जसबाट पाठ्यक्रमले तोकिएको उद्देश्यहरु पुरा गर्न र विद्यार्थीहरुको ब्यवहार परिवर्तन गर्न सहयोग गरेको विद्यालयको अनुभव रहेको छ ।