ग्ल्याड स्टोनलाई तीज विशेष नृत्य प्रतियोगिताको उपाधि

भक्तपुर । लोकन्थलीस्थित युनिक नेपाल एकेडेमीको आयोजनामा आयोजित अन्तर विद्यालयस्तरीय तीज विशेष नृत्य प्रतियोगिताको उपाधि ग्ल्याड स्टोनले हात पारेको छ ।

काठमाडौं र भक्तपुरका २४ वटा विद्यालयको सहभागिता रहेको उक्त कार्यक्रममा मेरीगोल्ड इंग्लिस बोर्डिङ स्कुल द्धितीय, एरुडाइट एकेडेमीले तृतीय र भक्तपुर निष्ट स्कुल, कौशलटार इंग्लिस स्कुल, इमानुयल सेकेन्डरी स्कुल सान्त्वना भएका थिए । कार्यक्रमलाई सम्बोधन गर्दै कार्यक्रमका संयोजक एवं युनिक नेपाल एकेडेमीका प्रिन्सिपल सुमन बस्नेतले तीजको महत्व बुझाउँन र विद्यालयहरुबीच सुमधुर सम्बन्ध बढाउँन उक्त कार्यक्रम गरेको बताए । उनले यो कार्यक्रमलाई हरेक वर्ष निरन्तर रुपमा गर्ने बताए ।

निर्वाचन आयुक्त दिनेश थपलियाको प्रमुख आतिथ्यतामा आयोजित उक्त कार्यक्रममा विजयी विद्यालयहरुलाई शिल्ड, मेडल, प्रमाणपत्रले सम्मान गरिएको थियो । कार्यक्रमलाई सम्बोधन गर्दै थपलियाले यस्तो खालको कार्यक्रमको माध्यमले राष्ट्रियस्तरको प्रतियोगितामा सहभागी हुन आह्वान गरेका थिए । उनले तीजको महत्वको बारेमा जानकारी र नृत्य पनि अहिलेको समयमा राम्रो पेशा भएको बताए ।

कार्यक्रममा भक्तपुर प्याब्सनका अध्यक्ष चन्द्र अधिकारी, मध्यपुर प्याब्सनका अध्यक्ष निलेश आचार्यको सहभागिता रहेको थियो । विद्यालय व्यव्यस्थापन समितिका अध्यक्ष समीर शाहको सभापतित्वमा कार्यक्रम सम्पन्न भएको थियो ।