उपत्यकाव्यापी कविता प्रतियोगितामा भक्तपुर निष्ट उत्कृष्ट

भक्तपुर, १२ भदौँ । युवाकवि मोतीराम भट्टको १५४ औँ जन्मजयन्तीको उपलक्ष्यमा गरिएको ‘उपत्यकाव्यापी विद्यालयस्तरीय आमन्त्रण छन्दोबद्ध कविता वाचन प्रतियोगिता’ मा भक्तपुर निष्ट स्कुलको कक्षा ८ कि छात्रा अदिति तिमल्सिना प्रथम भएकी छिन् ।

भक्तपुरको एभरेस्ट इङ्लिस स्कुलको आयोजनामा भएको सो प्रतियोगितामा मेरिगोल्ड इङ्लिश स्कुलको आहाना उप्रेती दोस्रो भएकी थिइन् । त्यस्तै स्पर्धामा शैनिक आवासीय मा.विकी सुमिना कार्की, विद्यासंस्कार स्कुलकी स्पेरा पराजुली र सिद्धार्थ विद्यापिठको शिर्षक भट्राई तेस्रो भएका छन् ।

साहित्यकारहरु जिबनाथ अधिकारी, अनन्तप्रसाद वाग्ले र एलिना दुृलालले सयुक्त रुपमा निर्णय गरेको स्पर्धामा १५ विद्यालयबाट १५ प्रतिस्पर्धीको सहभागिता रहेको थियो ।

कार्यक्रममा वरिष्ठ साहित्यकार रामबाबु सुवेदी, विद्यालय व्यवस्थापन समितिका अध्यक्ष रामगोपाल कर्माचार्य र प्रिन्सिपल भक्त राजभण्डारीले बिजयी विद्यार्थीलाई पुरस्कार प्रदान गरेका थिए ।

:84 Views

Leave a Reply