शंकर स्कूलका शिक्षक र महिला कर्मचारीलाई उपहार

भक्तपुर । सूर्यविनायक नपा, दधिकोटस्थित शंकर नेशनल स्कूल हिन्दु धर्ममा मनाइने हरितालिका तीज  मनाइएको छ । तीजको उपलक्ष्यमा राष्ट्रको संस्कारलाई कायम राख्दै सबै शिक्षक र महिला कर्मचारीहरुलाई उपहार र दर खाने कार्यक्रम राखिएको थियो । विद्यालयमा सम्पूर्ण विद्यार्थी भाइबहिनीहरु तथा शिक्षकहरु विभिन्न पोशाकमा सजिएका थिए । कक्षा नर्सरीदेखि यु.के.जी. सम्मका विद्यार्थीहरुलाई दर खाने कार्यक्रम राखिएको थियो । कक्षा १ देखि १० सम्मका विद्यार्थीहरुले विभिन्न तीज गीतहरुमा आफ्नो नृत्य प्रस्तुत गरेका थिए । नाचगानको साथमा प्रधानाध्यापक लगायत सबै शिक्षकहरु तीजमा रमाइलो वातावरण बनाएका थिए । कार्यक्रम निकै नै आकर्षित भएको विद्यालयका प्रिन्सिपल शरण चौलागाई बताउँछन् । संस्कार र संस्कृति जगेर्ना गर्नका लागि यस खालका कार्यक्रमले धेरै नै टेवा दिने उनले बताए ।

:716 Views

Leave a Reply