महेन्द्रग्रामको ६१ औं वार्षिकोत्सव सम्पन्न

भक्तपुर । भक्तपुरको सुडालस्थित महेन्द्रग्राम माध्यमिक विद्यालयको ६१ औं वार्षिकोत्सव शुक्रबार सम्पन्न भएको छ ।

वार्षिकोत्सवको उद्घाटन चाँगुनारायण नगरपालिका प्रमुख सोमप्रसाद मिश्रले गरेका थिए । उनले पूर्व विद्यार्थीहरुले विद्यालयप्रति आस्था राख्नुपर्ने र विद्यालयले पनि योगदान दिने व्यक्तित्वलाई सम्झनुपर्ने बताए । त्यस्तै उनले भने, ‘विद्यालयी शिक्षा राम्रो भएमा सो विद्यार्थी असल नागरिक बन्न सक्छ । त्यसैले सम्पूर्ण विद्यालयमा सबैले इमान्दारिता पुर्वक आफ्नो जिम्मेवारी निर्वाह गर्नुपर्छ ।’

विद्यालयका प्रधानाध्यापक सोमकुमार श्रेष्ठ विद्यालयको प्रतिवेदनका बारेमा चर्चा गरेका थिए । कार्यक्रममा कक्षागत रुपमा र विभिन्न अतिरिक्त क्रियाकलापमा प्रथम, द्वीतीय र तृतीय भएका विद्यार्थीलाई पुरस्कृत गरिएको थियो ।

सोही अवसरमा अवकास प्राप्त शिक्षकहरु मोहननारायण भडेल, उद्धवबहादुर खड्का र २५ वर्षे दिर्घकालिन सेवा गरेकी शिक्षिका मीरा खत्री सम्मानित भएका छन् ।

विद्यार्थीले विभिन्न साँस्कृतिक क्रियाकलाप प्रस्तुत गरेका थिए ।

कार्यक्रममा शिक्षा विकास तथा समन्वय इकाईका प्रमुख खेम पोखरेल, वडा ८ का अध्यक्ष परासर सापकोटा, विद्यालय व्यवस्थापन समितिका अध्यक्ष रामशरण कार्कीलगायतको सहभागिता रहेको थियो ।

:56 Views

Leave a Reply