शंकर स्कूलमा मासिक विज्ञान प्रर्दशनी

भक्तपुर । शंकर नेशनल स्कूलमा हरेक महिना विज्ञान प्रर्दशनी हुने गर्दछ । कक्षा ५ देखि कक्षा ९ सम्मका विद्यार्थी भाइबहिनीहरुको सहभागिता निकै नै उत्साहपूर्वक रहेको थियो । हरेक महिनाको अन्तिम दिनमा यो प्रर्दशनी गराइएको र विभिन्न किसिमका एक्सपेरिमेन्टहरु, मोडल, विज्ञान ल्याबरेटरी वर्क र विज्ञान सम्बन्धि विभिन्न खोज, आविष्कार गरिएको थियो ।

यो विज्ञान प्रर्दशनी मासिक रुपमा सुरु भएको करिब २ वर्ष भइसकेको विद्यालयका प्रिन्सिपल शरण चौलागाई बताउँछन् । स्कूलले अतिरिक्त क्रियाकलापमा विज्ञान प्रर्दशनीलाई समावेश गराउनुको मुख्य उद्देश्य विद्यार्थी भाइबहिनीहरुको ज्ञान व्यवहारिक रुपमा उजागर गराउनु तथा किताबमा मात्र पढाईलाई सिमित नराखी प्रयोगात्मक तरिकाबाट सिक्ने पनि प्राथमिक्ता दिइएको उनले बताए । विद्यार्थी भाईबहिनीहरुलाई हरेक पाइलामा नयाँनयाँ कुराहरु सिकाउनु पर्छ भन्ने वातावरण यस स्कूलले दिएको छ । विद्यार्थीहरुलाई विशेषगरी गणित र विज्ञान विषयलाई धेरै अप्ठयारो मानेकोले, यो विषयलाई सहज बनाउनका लागि विज्ञान प्रदर्शनी निकै नै लाभदायी भएको उनले बताए । आगामी दिनमा पनि पढाईको साथै सम्पूर्ण विषयहरुलाई यसरी नै प्रयोगात्मक शैलीद्वारा पठन पाठन गराउने र सिक्ने कुरालाई सरलता र सहजताको बाटो अवलम्बन गर्ने जानकारी दिए ।