शिक्षा दिवसमा ग्रामरका उत्कृष्ट विद्यार्थी पुरस्कृत

काठमाडौं । ४० औं राष्ट्रिय शिक्षा दिवस तथा ५३ औं अन्तर्राष्ट्रिय साक्षरता दिवसको अवसरमा ग्रामर स्कुल कोटेश्वरमा कक्षागत तथा विविधि विधातर्फ गत वर्षभरी उत्कृष्ट भएका विद्यार्थीलाई पुरस्कृत गरिएको छ ।

विद्यालयका सल्लाहकार प्रा.विश्वेश्वर मान श्रेष्ठ, ग्रामर फाण्डेशनका अध्यक्ष पुरन्जन राई, प्रवन्ध निर्देशन यादवचन्द्र राई, बोर्ड सदस्य मुगा वान्तवा राई र राजेन्द्र राई, विद्यालय व्यवस्थापन समितिका अध्यक्ष जयकुमार राई, ग्रामर स्कुल÷कलेजका संस्थापक प्रिन्सिपल राजकुमार राई, निर्देशकहरु दिलेन्द्रकुमार राई तथा भरतकुमार राई,कलेजका भाइस प्रिन्सिपल एकराज कटुवाल, विज्ञान विभागकी इन्चार्ज ज्योति मिश्रलगायतले ती विद्यार्थीलाई पुरस्कार वितरण गरेका थिए ।  गत शैक्षिक सत्रमा छात्रतर्फ गौरव पौडेल र छात्रातर्फ कामना गिरी का साथै कक्षा १ देखि ९ सम्म कक्षागत उत्कृष्ट विद्यार्थी तथा विविध विधाका उत्कृष्ट विद्यार्थीलाई पनि पुरस्कार वितरण गरियो ।

विद्यालयको स्टुडेण्ट अफ द एयरमा कक्षा ९ का आकाश राई र १० की प्रकृति अधिकारी अंगे्रजी भाषातर्फ जोन गुरुंग र रसिया सुब्बा थेवे, उत्कृष्ट हस्तलेखनमा एन्जिला कार्की र कान्छामान तामांग, उत्ृकष्ट खेलाडीमा बास्केटबलतर्फ आर्यन मल्ल र रन्जना वाइवा, फुटबलतर्फ आयुष राई, कराँतेतर्फ अनुनिया राई, उत्कृष्ट स्वयमसेवकतर्फ सभ्य महर्जन, उत्कृष्ट गायनतर्फ स्मारिका सिटौला, उत्कृष्ट नर्तकमा निकित पौडेल, अनुशासित विद्यार्थीमा गौरव पौडेल र आँचल सिंह, सिर्जनशिल विद्यार्थीमा मनु पौडेल र आज्ञाकारी विद्यार्थीमा उजेन बासी छन् । यसैगरी उत्कृष्ट वक्तामा टपुर अधिकारी, सहयोगी र दयालुमा अनामिका अर्याल, उत्कृष्ट स्काउटमा रोहन राई र निशा दर्नाल, हेल्थ एण्ड हाइजिनतर्फ गिनेज न्यौपाने , निकिता केसी र निन्वाम राई, सहयोगी व्यक्तित्वमा क्रिस्टल कार्की, चित्रकलातर्फ डरिंगी शेर्पा छन् ।

विद्यालय व्यवस्थापन समितिका अध्यक्ष जयकुमार राईको सभापतित्वमा सम्पन्न कार्यक्रममा विद्यायका सल्लाहकार प्रा.विश्वेश्वर मान श्रेष्ठ, ग्रामर फाउण्डेशनका अध्यक्ष पुरञ्जन राई, ग्रामर स्कुल÷कलेजका संस्थापक प्रिन्सिपल राजकुमार राईका साथै पुरस्कृत विद्यार्थीद्वय गौरव पौडेल र प्रकृति अधिकारीले बोलेका थिए भने नेपाली विभागकी प्रमुख आनन्दकला राईलगायतले कार्यक्रम सञ्चालन गरेकी थिइन ।

:105 Views

Leave a Reply