सिनियर गायन प्रतियोगितामा पाण्डे प्रथम

मध्यपुर थिमी,असोज १५ | मध्यपुर थिमी मिलरोड ८ भक्तपुरमा अवस्थित ग्ल्याडस्टोन एकेडेमीको अतिरिक्त क्रियाकलाप समितिले सिनियर गायन प्रतियोगिता सम्पन्न गर्‍यो ।विद्यालयको वार्षिक अतिरिक्त क्रियाकलाप अन्तर्गत आयोजित कार्यक्रममा कक्षा ६ देखि कक्षा १०सम्मका २९ जना विद्यार्थीले सहभागिता जनाएका थिए ।

विद्यालयका संगीत गुरु यज्ञ राइको संयोजकत्वमा आयोजित कार्यक्रममा सहभागी विद्यार्थीले विभिन्न नेपाली सुमधुर गीतहरू गाएर विद्यालयलाई संगीतमय बनाए। गायक तथा संगीतकार नन्दु राई र गायक आशिष प्रजापतिको निर्णायक भूमिका रहेको प्रतियोगितामा सहभागी विद्यार्थीहरु मध्ये कक्षा ९ मा अध्ययनरत छात्रा दिपिका पाण्डे पहिलो,कक्षा ७मा अध्ययनरत छात्र शुभम दुलाल दोश्रो, कक्षा ७ मै अध्ययनरत छात्र शुभम खड्का तेस्रो तथा कक्षा ६ मा अध्ययनरत छात्र समीर गढाइली सान्त्वना हुन सफल भए ।

विजयी विद्यार्थीलाई पुरस्कार स्वरुप शिल्ड तथा प्रमाणपत्र प्रदान गर्दै विद्यालयका प्रधानाध्यापक विनोद कुमार कोइराला ले विद्यालयमा संगीतको महत्त्व बारेमा प्रकाश पार्नुका साथै छात्रछात्राको प्रस्तुतिबाट आफू सन्तुष्ट रहेको बताउनु भयो ।

:174 Views

Leave a Reply