जुनियर गायन प्रतियोगितामा राई प्रथम

मध्यपुर थिमी, असोज १२ । मध्यपुर थिमी मिलरोड ८ भक्तपुरमा अवस्थित ग्ल्याडस्टोन एकेडेमीको अतिरिक्त क्रियाकलाप समितिले जुनियर गायन प्रतियोगिता सम्पन्न गर्‍यो ।विद्यालयको वार्षिक अतिरिक्त क्रियाकलाप अन्तर्गत आयोजित कार्यक्रममा कक्षा १देखि कक्षा ५सम्मका ५९ जना विद्यार्थीले सहभागिता जनाएका थिए ।

विद्यालयका संगीत गुरु यज्ञ राइको संयोजकत्वमा आयोजित कार्यक्रममा सहभागी विद्यार्थीले विभिन्न नेपाली सुमधुर गीतहरू गाएर विद्यालयलाई संगीतमय बनाए। विद्यालयका योग गुरु तथा सार्थक जीवन अभियन्ता विश्वनाथ बराल र संगीत साधक यज्ञ राइको निर्णायक भूमिका रहेको प्रतियोगितामा सहभागी विद्यार्थीहरु मध्ये कक्षा ४ मा अध्ययनरत छात्रा नेन्सी राई पहिलो,कक्षा ४मा अध्ययनरत छात्र श्रेयन दुलाल दोश्रो, कक्षा ४ मै अध्ययनरत छात्रा मुस्कान कार्की तेस्रो तथा कक्षा ४ मा अध्ययनरत छात्रा आर्या श्रेष्ठ सान्त्वना हुन सफल भए ।

विजयी विद्यार्थीलाई पुरस्कार स्वरुप शिल्ड तथा प्रमाणपत्र प्रदान गर्दै विद्यालय व्यवस्थापन समितिका अध्यक्ष प्रदीप श्रेष्ठले विद्यालयमा संगीतको महत्त्व बारेमा प्रकाश पार्नु भयो ।

:118 Views

Leave a Reply