शंकर स्कुलमा दशैँ शुभकामनासँगै एल्लो डे कार्यक्रम

भक्तपुर । सबै विद्यार्थी भाइबहिनीहरुलाई टिका, जमरा र दक्षिणाको रुपमा शुभकामना प्रदान गरी दधिकोटस्थित शंकर नेशनल स्कुलले दशैं शुभकामना कार्यक्रम सम्पन्न गरेको छ । कक्षा नर्सरीदेखि कक्षा यु.के.जी. सम्मका विद्यार्थीहरुका लागि ‘एल्लो डे’ पनि आयोजना गरिएको थियो । कार्यक्रममा विद्यार्थीहरु लगायत सबै शिक्षक शिक्षिकाहरु पनि पहेलो पोशाकमा उपस्थित भएका थिए । पहेलो रङ्गलाई जनाउनका लागि पहेलो रङ्गको गीत, पहेलो रङ्गको फलफूल, तरकारी र विभिन्न प्रकारका चीजहरुबाट मनाइएको थियो ।

विद्यार्थीहरुको प्रतिभालाई महत्व दिई विभिन्न किसिमका नृत्य, प्रस्तुति र कलाहरु प्रस्तुत गरिएको थियो उक्त कार्यक्रममा शिक्षकहरुलाई दशैँको शुभकामनाको रुपमा टिका, जमरा र दक्षिणा दिइएको थियो । समग्रमा कार्यक्रम असाध्यै लाभदायी र आकर्षित रहेको विद्यालयका प्रिन्सिपल शरण चौलागाईले बताए ।