अहिलेकै अवस्थामा सामाजिक सुरक्षा कोषमा सुचिकृत नहुन एनप्याब्सनको सूचना

काठमाडौं । नेशनल प्याब्सनले नेपाल सरकारले लागु गरेको सामाजिक सुरक्षा कोषमा सुचिकृत नहुन देशभरका सम्पूर्ण निजी विद्यालयहरुलाई अनुरोध गरेको छ । देशभर सञ्चालनमा रहेका विभिन्न कम्पनी तथा प्रतिष्ठानहरुलाई सूचीकृत हुने समयावधि २०७६ असोजसम्म कायम गरिएकोमा वर्तमान परिस्थिति र अवस्थालाई दृष्टिगत गरी विशेष गरी निजी विद्यालयहरूको सन्दर्भमा विद्यालयको प्रकृति र अवस्था सबै विद्यालयहरूको समान नभएका कारण साना ठूला सबै विद्यालयहरूका बीचमा गहन छलफल गरेर सबैलाई सम्बोधन हुने गरी आफूहरु अगाडि बढ्न चाहेको आज जारी सुचनामा भनिएको छ । सामाजिक सुरक्षा कोषको विषयलाई लिएर आफूहरु विद्यालय बन्द गर्नुपर्ने अवस्थामा पुगेको भन्दै जिल्ला जिल्लाबाट विद्यालयहरुले आफ्ना छाता संगठनहरुलाई सबैलाई न्याय दिलाउन दबाब दिईरहेका छन । उता असोज मसान्तसम्म पनि एकदमै न्यून मात्रामा कम्पनीहरु सूचीकृत भएको सामाजिक सुरक्षा कोषका प्रबक्ता रमा भट्टराईले बताएकी छिन् ।

:199 Views

Leave a Reply