विद्यालयका बस चालकलाई ट्राफिक सुरक्षा सम्बन्धी सचेतना

भक्तपुर । भक्तपुर प्याब्सन, जिल्ला कार्यसमिति भक्तपुरको अनुसन्धान तथा विकास उप–कमिटीद्वारा विद्यालयका बस चालक तथा सह–चालकहरुका निमित्त नेपाल प्रहरी तथा ट्राफिक प्रहरीको सहयोगमा ट्राफिक सुरक्षा सम्बन्धी सचेतना कार्यक्रमको आयोजना गरेको छ । महानगरीय प्रहरी परिसरका प्रमुख प्रहरी उपरिक्षक सबिन प्रधानको मुख्य प्रशिक्षण भएको उक्त कार्यक्रममा १४१ जना विद्यालय बस चालक तथा सह चालकहरुको सहभगिता रहेको थियो ।

कार्यक्रमका प्रमुख अतिथि प्याब्सन जिल्ला कार्यसमिति भक्तपुरका अध्यक्ष चन्द्र अधिकारीले विद्यार्थी बोक्ने गाडीको सम्बेदनशिलतालाई मध्य नजर गरी बस संचालन गर्नु पर्नेमा जोड दिएका थिए । कार्यक्रमका संयोजक एवम् रिसर्च एन्ड डेब्लोपमेन्ट कमिटीका संयोजक सुरेन्द्र श्रेष्ठले सवारी दुर्घटनाका अन्तर्राष्ट्रिय तथा राष्ट्रिय तथ्याङ्क प्रस्तुत गरेका थिए ।