अनल ज्योतिमा विपद व्यवस्थापन अभिमुखिकरण

ललितपुर । ललितपुरको सुनाकोठीस्थित अनल ज्योति माध्यमिक विद्यालयमा विपद व्यवस्थापनसम्बन्धि अभिमुखिकरण तथा प्रशिक्षण  कार्यक्रम सम्पन्न भएको छ ।

चापागाउँको महानगरीय प्रहरी बृत्तको आयोजना र सामाखुशीको विपद व्यवस्थापन महाशाखाको संयोजकत्वमा भएको कार्यक्रममा आगलागीबाट धनजनको क्षतिबाट बच्ने विधि बताइएको थियो ।

विद्यालयका प्रिन्सिपल निरोज महर्जनले विद्यार्थीहरुलाई आपत्कालिन समयमा सजग हुने सीपको बिकास गर्ने उद्देश्यले कार्यक्रम गरिएका जानकारी दिए ।

सोमबार भएको उक्त कार्यक्रममा कक्षा १ देखि १० सम्मका जम्मा ५६२ जना विद्यार्थीहरुलाई आगलागीलगायत व्यक्तिगत सुरक्षाका उपायबारे चेतनामुलक विविध प्रदर्शनी गरिएको थियो ।

कक्षा ९ का ब्रिट्नी महर्जनले यस कार्यक्रमबाट आगलागी नियन्त्रणको बारेमा सिकेको बताउँदै उनी भन्छिन्, ‘मलाई घरमा ग्याँसको सिलिण्डरमा आगो लाग्ने सम्झदा पनि निकै डर लाग्थ्यो तर अब म आगलागी नियन्त्रण गर्न सक्ने र निडर भएको छु ।’

:514 Views

Leave a Reply