कोरोना स्कुललाई एकै वर्ष ४ अन्तराष्ट्र्रिय पुरस्कार

काठमाडौँ । काठमाडौँको वनस्थलीस्थित कोरोना स्कुलले यस वर्ष ४ वटा अन्तराष्ट्रिय पुरस्कार पाएको छ ।

दुबाईमा मंसिर २८ गते भएको ‘ग्लोबल एजुकेशन अवार्ड’ अन्तर्गत २ वटा अवार्ड र मंसिर ३० गते भएको ‘अन्तराष्ट्रिय स्कुल अवार्ड’ मा २ वटा गरी विद्यालयले जम्मा ४ वटा अवार्ड जित्न सफल भएको छ ।

विश्वका ५२ देशका स्कुल सहभागी रहेको ग्लोबल एजुकेशन अवार्डमा विद्यालयका कार्यकारी अध्यक्ष सुरजचन्द्र महर्जनले ‘वर्षकै गतिशिल सि.इ.व’ र विद्यालयकी प्रिन्सिपल देविना श्रेष्ठले ‘प्रतिष्ठित शिक्षाविद्’ को अवार्ड प्राप्त गरेका थिए ।

त्यस्तै गरी अन्तराष्ट्रिय स्कुल अवार्डमा विद्यालयलाई ‘शिक्षामा नविनता अवार्ड’ र प्रिन्सिपल श्रेष्ठलाई ‘विद्यार्थीको विकासमा योगदान अवार्ड’ प्रदान गरिएको थियो । शिक्षा क्षेत्रमा योगदान गरेको आधारमा अवार्ड प्रदान गरिएको प्रिन्सिपल श्रेष्ठले जानकारी दिइन् ।