सैनिक र सैपाल उपाधिको लागि भिड्ने

भक्तपुर, पुष १० । सैनिक आवासीय महाविद्यालय र सैपाल एकेडेमी प्रथम ब्रिजवाटर कप उपत्यकाव्यापी अन्तर कलेज छात्र फुटबल प्रतियोगिताको फाइनलमा प्रवेश गरेका छन् ।

आज भएको पहिलो सेमिफाइनल खेलमा सैनिक स्कुलले आयोजक ब्रिजवाटर इन्टरनेसनल कलेजलाई ५–० गोलले पराजित गरेको थियो । सैनिकका विश्रान्त बस्नेत ‘म्यान अफ द म्याच’ घोषित भएका थिए ।

अर्को सेमिफाइनल खेलमा सैपालले लिटिल एन्जल्स स्कुललाई २–१ गोलले पराजित गरेको थियो । सैपालका सन्जिव लामा ‘म्यान अफ द म्याच’ घोषित भएका थिए ।
प्रतियोगिताको फाइनल खेल पुस १२ गते शनिवार ११ बजे हुनेछ । विजेताले १ लाख र उपविजेताले ५० हजार नगद पुरस्कार पाउने छन् ।