विद्यार्थीको सर्वाङ्गीण विकासका लागि ओलम्पिक

ललितपुर । ‘जित्नुभन्दा सहभागी हुनु महत्वपूर्ण हो’ भन्ने नाराका साथ अर्लि चाइल्डहुड एजुकेशन टिचर्स एशोसियशन (एकता) ले शनिबार ‘८ औँ किन्डर ओलम्पिक्स’ कार्यक्रम गरेको छ ।

कार्यक्रममा बालबालिकाको ओलम्पिकमा रुचि बढाउन र उनीहरुको सर्वाङ्गीण विकासका लागि ओलम्पिक आयोजना गरेको आयोजक टिमकी बिना शर्माले जानकारी दिइन् । उनी भन्छिन्, ‘यस्ता क्रियाकलापले नानीबाबुको चेतना विकासमा सकारात्मक प्रभाव पार्छ । यसले बालबालिकाको सर्वाङ्गीण विकासमा सहयोग गर्छ । र उनीहरुलाई भविष्यमा सक्रिय जीवन बिताउन सिकाउँछ ।’

किन्डर ओलम्पिक्समा विद्यार्थीहरुले जीम्न्यास्टिक, कराते, जुम्बा, टेक्वान्डो जस्ता खेल प्रदर्शन गरेका थिए । नानीबाबुलाई १८ किसिमका खेल खेलाइएको थियो भने सहभागी सबै स्कुललाई ट्रफी र प्रत्येक विद्यार्थीलाई मेडल प्रदान गरिएको थियो ।

२८ विद्यालयको सहभागीता रहेको ओलम्पिक्समा १४ स्कुलबिचको खेल शनिबार भएको थियो भने बाकी १४ स्कुलको खेल पुस १९ गते शनिबार हुनेछ ।

:293 Views

Leave a Reply