फुटसलमा हिमालयन ग्लोरीले बाजी मार्यो

भक्तपुर, २१ पुस । भक्तपुरको च्याम्हासिंहस्थित ख्वप्रिङ इंग्लिस एकेडेमी(सेकेण्डरी स्कुल)को आयोजनामा संस्थागत विद्यालय संघ नेपाल(इसान) मा आवद्ध विद्यालयहरुबीच भएको फुटसल प्रतियोगितामा हिमालन ग्लोरीले विजयी भएर बाजी मारेको छ ।

अन्तर विद्यालयस्तरीय फुटसल प्रतियोगिताको दोस्रो संस्करण अन्तर्गतको उक्त प्रतियोगितामा एजे सेकेण्डरी स्कुल द्धितीय र ब्राइटस्टार स्कुल तृतीय भएको छ । विजयी विद्यार्थीहरुलाई एन्फाका उपाध्यक्ष, मध्यपुर फुटबल एसोसिएसनका अध्यक्ष एवं पूर्व राष्ट्रिय गोलरक्षक उपेन्द्रमान सिंहले पुरस्कार वितरण गरेका थिए ।

विद्यार्थीलाई विभिन्न शारिरीक क्रियाकलापमा सहभागी गराई उनीहरुको मानसिक र शारिरीक स्वास्थ्यलाई मजबुत बनाउनका लागि ख्वप्रिङले सो स्पर्धाको आयोजना गरेको विद्यालयका प्रिन्सिपल विनोद प्रजापतिले जानकारी दिए ।