प्याब्सक अन्तरविद्यालय फुटसल सुरु हुँदै

काठमाडौँ, १३ माघ । निजी तथा आवासीय विद्यालय संगठन काठमाडौँको आयोजनामा ‘प्याब्सक फुटसल कप–२०२०’ प्रतियोगिता माघ २२ गते बुधबारबाट सुरु हुने भएको छ ।

प्याब्सकका अध्यक्ष गेन्द्र लामाले विद्यार्थीलाई रमाइलो माध्यमबाट सिक्नका लागि फुटसलको आयोजना गर्न लागिएको बताए । ३ दिने अन्तरविद्यालय छात्र प्रतियोगिता चाबहिलको चुच्चेपाटीस्थित लुम्बिनी फुटसल मैदानमा हुनेछ । विजयी समूहलाई ट्रफी, मेडल, प्रमाणपत्र सहित नगदको व्यवस्था गरिएको छ । प्रथम, द्वितीय, तृतीय र चौथो हुने समूहलाई क्रमशः १० हजार, ८ हजार, ७ हजार र ५ हजार नगदपुरस्कार दिइने आयोजक टिमले जानकारी दिएको छ । त्यस्तै स्पर्धामा उत्कृष्ट खेलाडी, उत्कृष्ठ गोलरक्षक, फेयर प्ले, हायर स्कोरर र म्यान अफ द म्याचलाई पनि पुरस्कृत गरिने छ ।

:384 Views

Leave a Reply