अनल ज्योतिमा ‘शिक्षण सामग्री प्रदर्शनी’ सम्पन्न

ललितपुर । ललितपुर महानगरपालिका वडा नं २६ ढोलाहिटीस्थित अनल ज्योति माध्यमिक विद्यालयमा शिक्षण सामग्री प्रदर्शनी बिद्यार्थी तथा अभिभावकहरुको ब्यापक उपस्थितिमा सम्पन्न भएको छ ।

कक्षा ५ सम्मका विद्यार्थीहरुले आफूले पढेका बिषयहरुमा प्रयोग हुने र गरिएका शैक्षिक सामग्रीहरुको प्रदर्शनी विद्यालय हातामा सम्पन्न भएको थियो । आइ. एस. ए अवार्ड अन्तर्गतका समुदाय, विश्वका झण्डाहरु, पौष्टिक खानेकुरा, मच्छीन्द्रनाथ जात्रा लगायतका सामग्रीहरु पनि प्रदर्शन गरिएको थियो । बिद्यार्थीहरुले यस परियोजना अन्तर्गतका विविध बिषयहरु आगन्तुकहरुलाई प्रस्तुत गरेका थिए ।

ललितपुर महानगरपालिका वडा नं २७ का वडा अध्यक्ष बाबुराजा महर्जनले उक्त कार्यक्रमको उद्घाटन गरेका थिए । नानीहरुको बोल्न सक्ने क्षमता र बिषयबस्तुको ज्ञान देखेर रमाइलो लागेको महर्जनले बताए ।

ललितपुर ढोलाहिटिमा रहेको अनल ज्योति स्कुलले शैक्षिक गुणस्तर समयसापेक्ष उच्च राख्दै ललितपुर दक्षिण भेगमै उत्कृष्ट बिद्यालय रहदै आएको छ । यस बिद्यालयले विद्यार्थीहरुको सर्वा¨गीण विकासका लागि आइ. एस. ए अवार्ड, डुक अफ इडिनवर्ग अवार्ड, एस. क्यु. सी., स्काउट लगायत चेतनामुलक कार्यव्रmम संचालन गर्दै आइरहेको छ ।

बिद्यालयका निर्देशक ज्योति केसीले नेपालको माटोमा समयसापेक्ष शिक्षा दिने, यहाँका संस्कृति र बिषेशताहरु बुझेर, अँगालेर देशलाई माया गर्ने, सीप र गुणले भरिपूर्ण नागरिक उत्पादन गर्ने बिद्यालयको उद्देश्यलाई यस क्रियाकलापले सघाउ पुर्याएको बताए ।

:636 Views

Leave a Reply