शंकरमा खेलकुद सप्ताह सुरु

भक्तपुर । भक्तपुरस्थित शंकर नेशनल स्कुलले खेलकुद सप्ताह आयोजना गरेको छ । उक्त कार्यक्रम चार दिनको रहने छ । पहिलो दिन सप्ताहको उद्घाटन समारोह गरिएको छ जसमा विद्यार्थीहरुले आफ्नो प्रतिभा प्रस्तुत गरेका थिए । खेलकुदको पहिलो दिनको शुरुवातमा प्रि स्कुलका अभिभावकहरुको सहभागीतामा खेल सुरु भएको थियो । जसमा अभिभावकज्यूहरुको लागि विभिन्न खेलहरु खेलाइएको थियो र विजेता अभिभावकलाई मेडलबाट सम्मान पनि गरिएको थियो । अभिभावकहरुको उत्साहजनक सहभागीताले कार्यक्रम रोमाञ्चक र भव्यतापूर्ण सम्पन्न भएको थियो । कार्यक्रममा विद्यालय र विद्यार्थीहरुको हौसला प्रदान गरिदिनु भएकोमा अभिभावकहरुलाई विद्यालयका प्रधानाध्यापक शरण चौलागाईद्वारा धन्यबाद व्यक्त गरेका थिए ।