अनल ज्योतिमा ‘गणित प्रदर्शनी’

ललितपुर । ललितपुर महानगरपालिका वडा नं २६ ढोलाहिटी अवस्थित अनल ज्योति माध्यमिक विद्यालयमा गणित प्रदर्शनी विद्यार्थी तथा अभिभावकहरुको ब्यापक उपस्थितिमा शुक्रबार सम्पन्न भएको छ ।

कक्षा ६ भन्दा माथिका विद्यार्थीहरुले आफूले पढेका विषयहरुमा प्रयोग हुने र गरिएका गणितका शैक्षिक सामग्रीहरुको प्रदर्शनी विद्यालय हातामा सम्पन्न भएको थियो । गणितका अवधारणालाई सरल र सहज रुपमा बु¤न विद्यार्थीहरुले विभिन्न मोडल, आकृति, प्रस्तुति र परीक्षण समावेश गरिएको थियो ।

बागमती प्रदेशका माननीय सांसद दिनेश महर्जनले उक्त कार्यक्रमको उद्घाटन गरेका थिए । नानीहरुको बेजोड प्रस्तुती, बोल्न सक्ने क्षमता र बिषयबस्तुको ज्ञान देखेर अनल ज्योतिका बिद्यार्थीहरु देशको कर्णधार हुनेमा आफु ढुक्क रहेको उनले बताए । सीप र गुणले भरिपूर्ण नागरिक उत्पादन गर्ने बिद्यालयको उद्देश्यलाई यस क्रियाकलापले सघाउ पुर्याएको बिद्यालयका निर्देशक ज्योति केसीले बताए ।

प्रदर्शनीमा ललितपुर प्याब्सनका अध्यक्ष राधेकृष्ण महर्जन, वरिष्ठ उपाध्यक्ष विष्णु कुमार बस्नेत, कृषि विज्ञ मदन राई, शिक्षाबिद् राजेन्द्र दाहाल लगायतको उपस्थिति रहेको थियो । साथै श्रीकूल स्कुल, नाजरथ स्कुल, ब्लुबर्ड स्कुल, ब्राइट ºयुचरलस्कुलका बिद्यार्थीहरुले पनि प्रदर्शनीको अवलोकन गरेका थिए ।

ललितपुर ढोलाहिटिमा रहेको अनल ज्योति स्कुलले शैक्षिक गुणस्तर समयसापेक्ष उच्च राख्दै ललितपुर दक्षिण भेगमै उत्कृष्ट बिद्यालय रहदै आएको छ । यस विद्यालयले विद्यार्थीहरुको सर्वा¨गीण विकासका लागि आइ. एस. ए अवार्ड, डुक अफ इडिनवर्ग अवार्ड, एस. क्यु. सी., स्काउट लगायत चेतनामुलक कार्यव्रmम संचालन गर्दै आइरहेको छ ।